පාර්ලිමේන්තුවට ඉදිරිපත් කර ඇති 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි බවට තීන්දු කරන ලෙස ඉල්ලා ශ්‍රේෂ්ඨාධිකරණයට පෙත්සම් 9 ක් ගොනු කර තිබෙනවා.
විනිවිද පෙරමුණේ ලේකම් නාගානන්ද කොඩිතුවක්කු, වෛද්‍ය ගුණදාස අමරසේකර, යන මහත්වරුන් ඇතුළු නව දෙනෙකු මෙම පෙත්සම් ඉදිරිපත් කර තිබෙනවා. එහි වගඋත්තරකරුවන් ලෙස නීතිපතිවරයා නම් කර තිබෙනවා. පෙත්සම්කරුවන් කියා සිටින්නේ පාර්ලිමේන්තුවට ඉදිරිපත් කර ඇති 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පතේ ඇතැම් වගන්ති වත්මන් ආණ්ඩුක්‍රම ව්‍යවස්ථාවේ ප්‍රතිපාදනවලට පටහැනි බවයි.
ඒ තුළින් ආන්ඩුක්‍රම ව්‍යවස්ථාව මගින් සහතික කර ඇති මූලික මිනිස් අයිතිවාසිකම් කඩවීමක් සිදුවන බවද පෙත්සම්කරුවන් ප්‍රකාශ කරනවා. ඒ හේතුවෙන් අදාළ වගන්ති සම්මත කිරීමට පාර්ලිමේන්තුවේ තුනෙන් දෙකේ බහුතර ඡන්දයක් හා ජනමත විචාරණයක් අවශ්‍ය බවට තීන්දුවක් ලබාදෙන ලෙසද ඔවුන් කියා සිටිනවා.
The post 22 වගන්තිවලට එරෙහිව ශ්‍රේෂ්ඨාධිකරණයට පෙත්සම් 9 ක් appeared first on ITN News.
Post a Comment