වසර 3කට පසු කොලොම්බියාව හා වෙනිසියුලාව නැවත වරක් රාජ්‍ය තාන්ත්‍රික සබඳතා ආරම්භ කර තිබෙනවා.
රාජ්‍ය තාන්ත්‍රික සබඳතා යළි ආරම්භ කිරීමේ පියවරක් ලෙස වෙනිසියුලාවේ නව කොලොම්බියානු තානාපති ආමන්ඩෝ බෙනඩිට්ටි කැරකස් අගනුවට පැමිණියා. එහිදී වෙනිසියුලා උප විදේශ කටයුතු අමාත්‍යවරයා මුණ ගැසුණු ඔහු දෙපාර්ශවය අතර රාජ්‍ය තාන්ත්‍රික සබඳතා යළි තහවුරු කිරීමේ අරමුණෙන් ද්වී පාර්ශ්වික සාකච්ඡා පැවැත්වුවා. කෙලොම්බියාවට වෙනිසියුලාවෙන් වෙන්ව කටයුතුකළ නොහැකි බවත් දෙරට සහෝදරයින් සේ කටයුතු කරන බවත් මෙහිදී ආමන්ඩෝ බෙනඩිට්ටි අවධාරණය කළා. 2019 වසරේදී වෙනිසියුලාවේ ජනාධිපතිවරයා ලෙස නිකොලොස් මධුරෝ නැවතවරක් තේරී පත්වීම එවකට කොලොම්බියා ජනාධිපතිවරයා ප්‍රතික්ෂේප කිරීමත් සමගයි දෙරටේ රාජතාන්ත්‍රික කටයුතු නවතා දැමුණේ. කෙසේ වුවද කොලොම්බියාවේ නව ජනාධිපතිවරයා ලෙස බුස්ටාවෝ පෙට්රෝ පත්වීමත් සමග කොළොම්බියා වෙනිසියුලා ද්වීපාර්ශ්වික සබදතා යළි ආරම්භ කිරීමට පියවර ගැනුණා.
The post වසර 3කට පසු කොලොම්බියාව හා වෙනිසියුලාව නැවත වරක් රාජ්‍ය තාන්ත්‍රික සබඳතා අරඹයි appeared first on ITN News.
Post a Comment