රජය සතු ව්‍යවසායන් කිහිපයක් පෞද්ගලීකරණය කිරීමට රජය සලකා බලමින් සිටින බව ජනාධිපති රනිල් වික්‍රමසිංහ මහතා පවසයි.
ද ඉකොනොමිස්ට් සමඟ සම්මුඛ සාකච්ඡාවකට එක්වෙමින් ජනාධිපතිවරයා කියා සිටියේ ජාතික ගුවන් සේවය වන ශ්‍රී ලංකන් එයාර්ලයින්ස් සහ ශ්‍රී ලංකා ඉන්ෂුවරන්ස් පෞද්ගලීකරණය කළ හැකි බවයි.
ලංකා ඛනිජ තෙල් නීතිගත සංස්ථාව (CPC) සහ ශ්‍රී ලංකා ටෙලිකොම් පෞද්ගලීකරණය කිරීමට ද අවධානය යොමු කරන බව ජනාධිපතිතුමා වැඩිදුරටත් පැවසුවා.
ශ්‍රී ලංකාව ආයෝජන විවෘත කරන බව ප්‍රකාශ කළ ජනාධිපතිවරයා, කෙසේ වෙතත්, සමහරක් ආයතන වසර 40කට වැඩි කාලයක් ක්‍රියාත්මක වන බැවින් සහනලාභීන් සියලු දෙනා සමඟ සාකච්ඡා කළ යුතු බව ඔහු පැවසුවා.
රජය සතු ඇතැම් ව්‍යවසායන් ප්‍රතිව්‍යුහගත කිරීම සම්බන්ධයෙන් වෘත්තීය සමිති සතුරුකම් කිරීම පිළිබඳව කළ විමසීමකදී ජනාධිපතිවරයා කියා සිටියේ “මම වෘත්තීය සමිති ගැන කරදර වෙන්නේ නැහැ, වැදගත් වන්නේ ජනතාවයි” යනුවෙනි.
යහපත් අතට හැරිය හැකි යැයි ජනතාව සිතන්නේ නම් එම තීරණය පිළිගන්නා බව ජනාධිපතිවරයා පැවසුවා.
ආර්ථිකය පාලනය කරන නීති ද සංශෝධනය විය යුතු බවත් ශ්‍රී ලංකාව අයර්ලන්තය මෙම අංශයෙන් ආදර්ශයක් ලෙස සලකන බවද ජනාධිපතිතුමා සඳහන් කළා.
The post ශ්‍රී ලංකාවට පෞද්ගලීකරණය කළ හැකි රාජ්‍ය ආයතන ජනපති නම් කරයි appeared first on ITN News.
Post a Comment