ණය අපේක්ෂිත රටකට සුදුසුම අයවැයක් අතුරු අයවැය තුලින් මෙවර ඉදිරිපත් කර ඇති බව මහබැංකු අධිපති ආචාර්ය නන්දලාල් වීරසිංහ මහතා පවසනවා.
කොළඹ නාවික ඇකඩමිය සංවිධාන කළ රාජ්‍ය ආර්ථිකය සම්බන්ධ සත්‍ය දැනගනිමු යන තේමාව යටතේ පවැති සම්මන්ත්‍රණයට එක්වෙමිනුයි මහබැංකු අධිපතිවරයා මෙ බව සදහන් කළේ. අර්බුදයෙන් ගොඩ ඒමට ස්ථාවරත්වයක් ගොඩනගා ගත හැකි අයවැයක් පාර්ලිමේන්තුවට ඉදිරිපත් කර ඇති බවයි මහබැංකු අධිපතිවරයා මෙහිදී පෙන්වා දුන්නේ. දේශපාලන වශයෙන් ජනප්‍රිය නොවුනත් වඩාත් දූරදර්ශී අයවැයන් ඉදිරිපත් කිරීම සම්බන්ධයෙන් ජනාධිපතිවරයාට භාණ්ඩාගාර ලේකම්වරයාට ස්තුති කළ යුතු බවයි මහබැංකු අධිපතිවරයා වැඩිදුරටත් සදහන් කළේ.
මේ අතර රොයිටර්ස් පුවත් සේවය ඇතුළු ජාත්‍යන්තර පුවත් සේවා පවසන්නේ ශ්‍රී ලංකාව සහ ජාත්‍යන්තර මූල්‍ය අරමුදල අතර ණය ලබාදීම සම්බන්ධයෙන් මූලික එකඟතාවකට පැමිණ ඇති බවයි. ඒ පිළිබද විධිමත් නිවේදනයක් හෙට දිනයේදී ප්‍රකාශයට පත් කිරීමට නියමිත බවයි විදෙස් වාර්තා සදහන් කරන්නේ.
The post ණය අපේක්ෂිත රටකට සුදුසුම අයවැයක් – මහබැංකු අධිපති appeared first on ITN News.
Post a Comment