ලොව පුරා රටවලින් දෛනිකව වාර්තා වන කොරෝනා වයිරස ආසාදිතයන්ගේ සංඛ්‍යාව සහ මරණ සංඛ්‍යාව යළිත් වරක් ඉහළ ගොස් තිබෙනවා.
ගත වූ පැය 24 ට ලොව පුරා රටවල් 228 කින් හමු වී ඇති වයිරස ආසාදිතයින්ගේ සංඛ්‍යාව හත්ලක්ෂ හැත්තෑ දහසකට ආසන්නයි. සිදු වී ඇති මරණ සංඛ්‍යාව දෙදහස් තිස් තුනක්. ඊයේ දිනයේදී වැඩිම වයිරස ආසාදිතයන් සංඛ්‍යාවක් හමු වී ඇත්තේ දකුණු කොරියාවෙන්.
එම සංඛ්‍යාව එක්ලක්ෂ අසූදහසකට අධිකයි. එමෙන්ම ජපානයෙන් එක්ලක්ෂ හැත්තෑ අට දහසක්, ඇමෙරිකාවෙන් අසූ හත් දහසක් හා ඉතාලියෙන් තිස්හය දහසක් ලෙස වයිරස ආසාදිතයන් හමුව තිබෙනවා. ගත වූ පැය 24 ට සිදුව ඇති වැඩිම කොරෝනා මරණ සංඛ්‍යාව වන 461 වාර්තා වන්නේ ඇමෙරිකාවෙන්.
ඒ සමගම ලොව සමස්ත කොරෝනා මරණ සංඛ්‍යාව හැටහතර ලක්ෂ හැටදෙදහස ඉක්මවා ගියා. හමු වී ඇති සමස්ත වයිරස ආසාදිතයන්ගේ සංඛ්‍යාව පනස් නව කෝටි හැත්තෑ නව ලක්ෂයකට ආසන්නයි.
The post ඊයේ වැඩිම කොරෝනා ආසාදිතයන් දකුණු කොරියාවෙන් appeared first on ITN News.
Post a Comment