ලොව පුරා රටවලින් දෛනිකව වාර්තාවන කොරෝනා මරණ සංඛ්‍යාව යළිත් වරක් ඉහළ ගොස් තිබෙනවා. ගතවූ පැය 24ට පමණක් සිදුව ඇති කොරෝනා මරණ සංඛ්‍යාව 2070ක්.
ඊයේ දිනයේදී වැඩිම කොරෝනා මරණ සිදුව ඇත්තේ ඇමෙරිකාවෙන්. එම සංඛ්‍යාව 500කට ආසන්න වනවා. එමෙන්ම ගතවූ පැය 24ට වැඩිම කොරෝනා ආසාදිතයන් සංඛ්‍යාවක් වාර්තාවූ රට වන්නේ ජපානයයි. එරටින් වාර්තා වී ඇති වයිරස ආසාදිතයින් සංඛ්‍යාව එක්ලක්ෂ හතලිස් දහසකට ආසන්නයි.
තවද දකුනු කොරියාවෙන් එක්ලක්ෂ තුන්දහසක්, ඇමෙරිකාවෙන් අසූ දෙදහසක් හා බ්‍රසීලයෙන් පනස් අට දහසක් ලෙස වයිරස ආසාදිතයන් හමුව තිබෙනවා. ඒ සමගම ලොව සමස්ත කොරෝනා ආසාදිතයින් සංඛ්‍යාව හැට කෝටි අසූපන් ලක්ෂය ඉක්මවා ගියා. සිදුව ඇති මරණ සංඛ්‍යාව හැට පන් ලක්ෂයකට ආසන්නයි.
The post ගතවූ පැය 24ට වැඩිම කොරෝනා ආසාදිතයන් ජපානයෙන් appeared first on ITN News.
Post a Comment