පෝටො රීකෝ රාජ්‍යයට බලපා ඇති පියෝනා සුළි කුණාටුව හේතුවෙන් විදුලිබලය ඇණහිට ඇති බව විදෙස් මාධ්‍ය සදහන් කරනවා.
පැයට කිලෝමීටර් 140 ක පමණ ප්‍රබලත්වයෙන් යුතු පියෝනා සුළි කුණාටුව පෝටො රීකෝ රාජ්‍යයට ඇතුළුවීමත් සමග එහි බලශක්ති පද්ධති බිදවැටුණු බව ලූමා බලශක්ති ආයතනය නිවේදනය කරනවා. අඩි දෙකක් පමණ උසට ගංවතුර තත්ත්වයක් ඇතිවිය හැකි බවටයි ඇමෙරිකා කාලගුණ අංශ අනතුරු අගවන්නේ. අධික සුළං සමග ධාරානිපාන වර්ෂාවක් ද ඇතිවිය හැකි බව ඔවුන් පවසනවා. පෝටො රීකෝ රාජ්‍යයට හදිසි තත්ත්වයක් ප්‍රකාශයට පත් කිරීමටයි ජනාධිපති ජෝ බයිඩන් පියවර ගත්තේ. වරාය හා ගුවන් තොටුපොල කටයුතු තාවකාලිකව අත්හිටුවා තිබෙනවා. විදුලිබලය යථා තත්ත්වයට පත්කිරීමට දින කිහිපයක කාලයක් ගතවනු ඇති බවට වාර්තා වනවා. මිලියන 3කට අධික ජනගහනයක් පෝටො රීකෝ රාජ්‍යයේ වාසය කරන අතර අවශ්‍ය සහන කටයුතු සම්පාදනය කිරීමටයි පියවර ගෙන ඇත්තේ.
The post පියෝනා සුළි කුණාටුව හේතුවෙන් පෝටො රීකෝ රාජ්‍යයට විදුලිබලය ඇණහිටී appeared first on ITN News.
Post a Comment