තායිවානය සම්බන්ධයෙන් ඇමෙරිකා එක්සත් ජනපදය අනුගමනය කරමින් සිටින ප්‍රතිපත්තිය නිසා බරපතල විපාක ඇතිවීමේ හැකියාවක් පවතින බව චීනය ප්‍රකාශ කරනවා.
ඇමෙරිකා රාජ්‍ය ලේකම් ඇන්තනී බ්ලින්කෙන් සහ චීන විදේශ කටයුතු අමාත්‍ය වැන් ජි අතර පැවති සාකච්ඡාවකදීයි මේ බව ප්‍රකාශ කෙරුණේ. නිව්යෝර්ක් නුවර පැවැත්වෙන එක්සත් ජාතීන්ගේ මහා මණ්ඩල රැස්වීම අතරවාරයේදි හමුව සිදු වුණා. රාජ්‍ය තාන්ත්‍රික වශයෙන් ඇමෙරිකා එක්සත් ජනපදය ඉතා වැරදි ප්‍රතිපත්ති අනුගමනය කළ බවයි චීන විදේශ ඇමතිවරයා කියා සිටියේ. තායිවානය ඔස්සේ සිය අභ්‍යන්තර කටයුතුවලට අත පෙවීම අනුමත නොකරන බවද චීන විදේශ කටයුතු ඇමතිවරයා පැවසුවා. දෙපාර්ශ්වය අතර මිනිත්තු 90 ක පමණ කාලයක් සාකච්ඡා පැවති බවයි විදෙස් මාධ්‍ය වාර්තා කළේ.
The post ඇමෙරිකා රාජ්‍ය ලේකම් සහ චීන විදේශ කටයුතු අමාත්‍යවරයා අතර සාකච්ඡාවක් appeared first on ITN News.
Post a Comment