පසුගිය දශකයේ ගුවන්සේවා ක්ෂේත්‍රෙය් සියලු අංශවලින් සියයට හතරයි දශම පහක වර්ධනයක් පෙන්වීමට හැකි වූ බව අමාත්‍ය නිමල් සිරිපාල ද සිල්වා මහතා පවසනවා.
කැනඩාවේ මොන්ට්‍රියල් නුවර පැවැත්වෙන ජාත්‍යන්තර ගුවන්සේවා සංවිධානයේ 41 වන සැසිවාරය අමතමින් අමාත්‍ය නිමල් සිරිපාල ද සිල්වා මහතා මේ බව ප්‍රකාශ කළා.
රටවල් 194 ක නියෝජිතයන් සහභාගී වන ජාත්‍යන්තර ගුවන්සේවා සංවිධානයේ සැසිවාරය පසුගියදා ආරම්භ වුණා. එය ඔක්තෝබර් 7 වෙනිදා දක්වා කැනඩාවේ මොන්ට්‍රියල් නුවරදී පැවැත්වෙනවා. මෙහිදී වැඩිදුරටත් අදහස් දැක්වූ අමාත්‍යවරයා 2021 වසරේ සිට උද්ගත වූ කෝවිඩ් වසංගතය හේතුවෙන් ගෝලීය ප්‍රජාවට ඉතාමත් සංකීර්ණ ජීවන රටාවකට හුරුවීමට සිදු වූ බව පෙන්වා දුන්නා.
මේ නිසා විශාල ආර්ථික අවපතායකට ද මුහුණදීමට සිදු වූ බවයි අමාත්‍යවරයා පෙන්වා දුන්නේ. මෙම තත්ත්වය ප්‍රවාහන හා සංචාරක ක්ෂේත්‍රයේ විශාල කඩාවැටීමක් සිදු වූ බව ද අමාත්‍යවරයා සදහන් කළා. නමුත් මෙම සියලු බාධා හමුවේ සිවිල් ගුවන්සේවා ක්ෂේත්‍රය යථා තත්ත්වයට පත් වී තිබීම සතුටට කරුණක් බවයි ඒ මහතා සදහන් කළේ.
අමාත්‍යවරයා සමග කැනඩාවේ ශ්‍රී ලංකා තානාපති හර්ෂ නවරත්න මහතා ද මෙම සැසියට සහභාගී වී සිටිනවා.
The post appeared first on ITN News.
Post a Comment