විදේශ රටක නිෂ්පාදිත ජීව අත්බෝම්බයක් , කඩුවක් සහ මන්නා පිහි දෙකක් සමඟ 06 දෙනෙකු අත්අඩංගුවට ගෙන තිබෙනවා.
ඊයේ අලුයම් කාලයේ මතුගම නගරය ආසන්නයේ මාර්ග බාධකයක දී සැකකටයුතු වෑන් රථයක් පරීක්ෂා කිරිමේ දීයි මෙම අවි සහ සැකකරුවන් අත්අඩංගුවට ගෙන ඇත්තේ. සැකකාරියක සහ සැකකරුවන් 05 දෙනෙකු මෙලෙස අත්අඩංගුවට ගත් බවයි පොලිසිය පවසන්නේ.
මොවුන් මතුගම මහේස්ත්‍රාත් අධිකරණය වෙත අද ඉදිරිපත් කිරීමට නියමිතයි. මතුගම පොලිසිය මේ පිළිබඳ වැඩිදුර විමර්ෂණ සිදු කරනවා.
මේ අතර ව්‍යාජ මුදල් නෝට්ටු මුද්‍රණය කල සැකකරුවෙකු දියතලාව පොලිසිය මඟින් අත්අඩංගුවට ගෙන තිබෙනවා. ඒ රුපියල් පන්දහසේ ව්‍යාජ නෝට්ටුවක් සමඟ අත්අඩංගුවට ගත් සැකකරුවන් 03 දෙනෙකුගෙන් ලද තොරතුරුවලට අනුවයි.
එම සැකකරුවන් 03න් දෙනා මේ වන විට රක්ෂිත බන්ධනාගාර ගත කර සිටිනවා. ඊයේ අත්අඩංගුවට ගත් සැකකරු ද බණ්ඩාරවෙල මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
The post ජීව අත්බෝම්බයක් , කඩුවක් සහ මන්නා පිහි 2ක් සමඟ 6 දෙනෙකු අත්අඩංගුවට appeared first on ITN News.
Post a Comment