වවුනියාව, නැදුන්කේනි, ශිවනගර් ප්‍රදේශයේදී ඊයේ(18) රාත්‍රියේ වෙඩි තබා තරුණියක් ඝාතනය කර තිබෙනවා.
රාත්‍රී 8.30 ට පමණ මෙම වෙඩි තැබීම සිදුකර ඇති බව නැදුන්කේනි පොලිසියට පවසනවා.
වෙඩි තබා ඝාතනය කර ඇත්තේ ශිවනගර් ප්‍රදේශයේ පදිංචි තුරෙයිරාජා ප්‍රමිලා නමැති 21 හැවිරිදි තරුණියක්.
ඇය සිය පියා සමඟ නිවසින් පිටතට යන විට වෙඩි තැබීම සිදුකර තිබෙනවා.
වෙඩිතැබීම සිදුකළ තැනැත්තා අත්අඩංගුවට ගැනීමට සහ වෙඩි තැබීම පිටුපස ඇති අරමුණ අනාවරණය කර ගැනීමට පොලිසිය පරීක්ෂණ ආරම්භ කර තිබෙනවා.
ඝාතනය සම්බන්ධයෙන් මහේස්ත්‍රාත් පරීක්ෂණය සහ පශ්චාත් මරණ පරීක්ෂණය අද පස්වරුවේ සිදුකිරීමට නියමිතයි.
The post වෙඩිතැබීමකින් 21 හැවිරිදි තරුණියක් ජීවිතක්ෂයට appeared first on ITN News.
Post a Comment