වසර 12ක් තුළ මෙරට නීත්‍යානුකූල නොවන මත්ද්‍රව්‍ය කර්මාන්තය සියයට 300කින් වර්ධනය වී ඇතැයි ලෝක සෞඛ්‍ය සංවිධානය පෙන්වා දෙනවා. එමෙන්ම මෙරට සුරාබදු ආදායම උපයා ගැනීමට ඉංග්‍රීසීන්ටත් නොහැකි වූ බවයි රාජ්‍ය අමාත්‍ය රංජිත් සියඹලාපිටිය මහතා පවසන්නේ.
ශ්‍රී ලංකා සුරාබදු නිලධාරීන්ගේ සංගමයේ වාර්ෂික මහ සභා රැස්වීමට එක්වෙමින් අමාත්‍යවරයා මේ බව කියා සිටියා. බ්‍රිතාන්‍ය ජාතිකයන් මෙරට සම්පූර්ණයෙන්ම යටත් කර ගැනීමට පෙර එනම් 1810 වසරේදී පවා රජයේ ආදායමෙන් සියයට 7යි දශම 6ක් පමණ ලබා ගෙන ඇත්තේ සුරාබදු ආදායමෙන් බවයි රාජ්‍ය අමාත්‍යවරයා කියා සිටියේ.
ලෝක සෞඛ්‍ය සංවිධානය නිකුත් කළ වාර්තාවකට අනුව වසර 2004 හා 2016 අතර කාලයේදී මෙරට නීති විරෝධී මත්ද්‍රව්‍ය නිෂ්පාදනය සීඝ්‍රයෙන් ඉහළ ගොස් ඇති බව රංජිත් සියඹලාපිටිය මහතා මෙහිදී පෙන්වා දුන්නා.
The post මෙරට නීත්‍යානුකූල නොවන මත්ද්‍රව්‍ය කර්මාන්තය 300 % කින් වර්ධනය වෙයි appeared first on ITN News.
Post a Comment