පිලිපීනයට බලපෑ නැල්ජී නිවර්තන සුළි කුණාටුවෙන් පුද්ගලයින් සියයකට ආසන්න සංඛ්‍යාවක් ජිවිතක්ෂයට පත්ව ඇති බව වාර්තා වනවා.
පසුගිය සති අන්තයේදී නැල්ජී සුළි කුණාටුවෙන් පිලිපිනයේ ප්‍රදේශ රැසකට දැඩි හානි සිදුවුවා. පුද්ගලයින් 63 දෙනෙකු අතුරුදන්ව ඇති අතර 69 දෙනෙකු තුවාල ලබා රෝහල්ගත කර තිබෙනවා. සුළි කුණාටුවත් සමග හටගත් අධික වර්ෂාව, ගංවතුර හා නාය යෑම් හේතුවෙනුයි ජීවිත හානි සිදුව ඇත්තේ. ඇතැම් ප්‍රදේශවල ගමනාගමනය හා විදුලිබලය ඇනහිට ඇති බවද සදහන්. දකුණු දිග මින්දනාඕ දූපතේ එක් ගම්මානයක් සම්පූර්ණයෙන්ම විනාශයට පත්ව ඇති බව එරට ආපදා කළමනාකරණ මධ්‍යස්ථානය නිවේදනය කරනවා. සුළිකුණාටුවෙන් සිදුවූ හානිය ඇමෙරිකා ඩොලර් මිලියන 13කට ආසන්නයි. සාමාන්‍යයෙන් එක් වසරක් තුලදී පිලිපීනයට සුළිකුණාටු 20ක පමණ බලපෑම් එල්ලවනවා.
The post නැල්ජී සුළි කුණාටුවෙන් පිලිපිනයේ ප්‍රදේශ රැසකට දැඩි හානි appeared first on ITN News.
Post a Comment