කොල්ලකෑම් රැසක් සම්බන්ධයෙන් අවශ්‍යව සිටි සැකකරුවන් දෙදෙනෙකු අත්අඩංගුවට ගෙන තිබෙනවා.
පයාගල ඉහළ වඩුගොඩ ප්‍රදේශයේ කළ වැටලීමකදී සැකකරුවන් අත්අඩංගුවට ගෙන තිබෙනවා. පුද්ගලයින් පැහැරගෙන ගොස් කොල්ලකෑම් සිදුකිරීම සම්බන්ධයෙන් සැකකරුවන්ට චෝදනා රැසක් එල්ලවී ඇති බවයි පොලීසිය පවසන්නේ. එක් සැකකරුවෙකු පයාගල ප්‍රදේශයේ පදිංචිකරුවෙකු වන අතර ඔහුට එරෙහිව විවෘත වරෙන්තු තුනක් නිකුත්කර තිබුණා. එම පුද්ගලයා ළග තිබී හෙරොයින් ග්‍රෑම් 5 මිලිග්‍රෑම් 130 ක්, කොල්ලකෑ ජංගම දුරකතන තුනක්, විද්‍යුත් තරාදියක් හා කඩුවක් ද පොලිස් භාරයට ගැණුනා. අනෙක් සැකකරු වයස අවුරුදු 18 ක් වන පයාගල ප්‍රදේශයේ පදිංචිකරුවෙකුයි. ඔහුට ද විවෘත වරෙන්තු නිකුත් කර ඇති බවයි පොලීසිය ප්‍රකාශ කළේ. සැකකරුවන් කළුතර මහේස්ත්‍රාත් අධිකරණයට අද ඉදිරිපත් කිරිමට නියමිතයි.
The post කොල්ලකෑම් රැසකට සම්බන්ධ සැකකරුවන් දෙදෙනෙකු අත්අඩංගුවට appeared first on ITN News.
Post a Comment