ජෙනරාල් ශ්‍රී මත් ජෝන් කොතලාවල ආරක්ෂක විශ්වවිද්‍යාලයේ උපාධි ප්‍රදානෝත්සවය ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැත්වුණා.
වසර 40ක් පුරා දේශීය හා ජාත්‍යන්තර තලයේ කීර්තියට පත්වූ ජෙනරාල් ශ්‍රී මත් ජෝන් කොතලාවල ආරක්ෂක විශ්වවිද්‍යාලය තම දැක්ම පුළුල් කරමින් ත්‍රිවිධ හමුදා නිලධාරීන්ට පමණක් සීමා වී තිබූ උපාධි පාඨමාලා හැදැරීම සිවිල් දූ පුතුන්ට ද උදාකර දුන්නා.
ඒ 2009 වසරේ සිටයි. මේ වන විට එම විශ්වවිද්‍යාලය තුළ ක්‍රෙඩෙට් නිලධාරී, නිලධාරිනියන් හා අනේවාසික උපාධි අපේක්ෂකයින් හය දහස් පනස් පහකට ආසන්න සංඛ්‍යාවක් අධ්‍යාපනය හදාරනවා.
මෙම වසරේදී පීඨ 12ක් හා ඊට අනුබද්ධ ත්‍රිවිධ හමුදා පීඨ තුල අධ්‍යාපනය ලබා සමත්වූ උපාධි අපේක්ෂක අපේක්ෂිකාවන් 1619 දෙනෙකු ප්‍රථම හා පශ්චාත් උපාධි ලබා ගත්තා. බණ්ඩාරනායක සම්මන්ත්‍රණ ශාලාවේදී ඔවුන්ට උපාධි පිරිනැමුණේ ජනාධිපති රනිල් වික්‍රමසිංහ මහතා අතින්.
The post කොතලාවල ආරක්ෂක විශ්වවිද්‍යාලයේ උපාධි ප්‍රදානෝත්සවය ජනපතිගේ ප්‍රධානත්වයෙන් appeared first on ITN News.
Post a Comment