මියගිය කදුකර කොටියෙකුගේ සිරුරක් බගවන්තලාව වත්තෙන් හමු වී තිබෙනවා. මෙම කදුකර කොටියාගේ සම, දත් සහ පාද කිසියම් පිරිසක් රැගෙන ගොස් ඇති බවයි අප වාර්තාකරු පවසන්නේ.
බගවන්තලාව ස්වභාවික රක්ෂිතයට මායිම්ව පවතින ස්ථානයකින් මෙම කදුකර කොටියාගේ සිරුර හමු වී තිබෙනවා. එම වතුයායේ සේවකයන් ලබා දුන් තොරතුරකට අනුව බගවන්තලාව පොලිසියේ නිලධාරීන් අදාළ ස්ථානයට ගොස් සිරුර පරීක්ෂා කර තිබෙනවා.
එහිදී දැක ගැනීමට හැකි වී ඇත්තේ මියගොස් සිටි කොටියාගේ පාද හතර, සම සහ දත් කිසියම් පිරිසක් රැගෙන ගොස් ඇති ආකාරයයි. මද්දකට හසු වී මියයාමෙන් පසු කදුකර කොටියාගේ සිරුර මෙම ස්ථානයට ගෙනවිත් දමන්නට ඇති බවටයි විශ්වාස කෙරෙන්නේ.
නල්ලතන්නිය වනජිවී කාර්යාලයේ නිලධාරීන්ට මේ පිළිබද දැනුම් දුන් බවත් අදාළ පරීක්ෂන සිදු කරන බවත් බගවන්තලාව පොලිසිය පවසනවා.
The post මියගිය කඳුකර කොටියෙකුගේ සිරුරක් බගවන්තලාව වත්තෙන් හමු වෙයි appeared first on ITN News.
Post a Comment