යුක්රේනයේ ජනාධිපති වොලදිමීර් සෙලෙන්ස්කි ලොවපුරා රාජ්‍ය නායකයින් කිහිප දෙනෙකු සමග සාකච්ඡාවක් පවත්වා තිබෙනවා.
ඇමෙරිකා ජනාධිපති ජෝ බයිඩන් මෙන්ම තුර්කි, ප්‍රංශ නායකයින් සමග මෙලෙස සාකච්ඡා පවත්වා ඇති බවයි විදෙස් මාධ්‍ය වාර්තා කරන්නේ. එහිදී යුක්රේන ජනාධිපතිවරයා සදහන්කර ඇත්තේ යුක්රේනයේ තත්ත්වය විසදන ජාත්‍යන්තර සිදුවීම් මාලාවකින් ලබන සතියේදී වැදගත් ප්‍රතිඵල බලාපොරොත්තු වන බවයි. රුසියාව යුක්රේනය ආක්‍රමණය කර මාස 9 ක් ගතවන මොහොතේ මීට පෙර ද යුක්රේන ජනාධිපතිවරයා මෙම නායකයින් සමග සාකච්ඡා පවත්වා තිබෙනවා. මේ අතර ජර්මන් චාන්සලර් ඕලාෆ් ස්කොල්ස් ඇතුළු යුරෝපා රටවල නායකයින් සමග ද අද දිනයේ සාකච්ඡා පවත්වන බවයි යුක්රේන ජනාධිපතිවරයා ට්විටර් පණිවුඩයක් නිකුත් කරමින් සදහන් කර සිටින්නේ.
The post යුක්රේන ජනාධිපති සහ රාජ්‍ය නායකයින් කිහිප දෙනෙකු අතර සාකච්ඡාවක් appeared first on ITN News.
Post a Comment