ඉන්දියාවේ මධ්‍ය ප්‍රදේශ් හි දේවාලයක සිදු වූ අනතුරකින් 35 දෙනෙකු මියගොස් තිබෙනවා.
ඉන්දෝර් හි පිහිටි බෙලේෂ්වර් මහාදෙව් දේවාලයක වහළ කඩා වැටීමෙනුයි මෙම අනතුර සිදුව තිබෙන්නේ.
අධික තදබදය නිසා ඇති වූ පීඩනය මත දේවාලයේ එක් තට්ටුවක් කඩා වැටී ඇති අතර ඊට පහළින් තරප්පු පෙළේ රැඳී සිටි පිරිස මෙම අනතුරට ලක්ව තිබෙනවා.
සිද්ධියෙන් තවත් 14 දෙනෙකුට තුවාල සිදු වුණා.
මධ්‍ය ප්‍රදේශ් හි මහ ඇමති ෂිවරාජ් සිං ප්‍රකාශ කළේ මියගිය පුද්ගලයන්ට ලක්ෂ පහ බැගිනුත්, තුවාල ලැබූවන්ට රුපියල් පනස් දහස බැගිනුත් ලබාදීමට පියවර ගන්නා බවයි.
ඉන්දීය අග්‍රාමාත්‍ය නරේන්ද්‍ර මෝදිද මෙම අනතුර සම්බන්ධයෙන් සිය බලවත් ශෝකය පළ කර තිබුණා.
The post ඉන්දියාවේ දේවාලයක වහළය කඩා වැටීමෙන් 35 දෙනෙකු ජීවිතක්ෂයට appeared first on ITN News.
Post a Comment