බංගලාදේශයෙන් මෙම වසරේ දී වාර්තා වූ සමස්ත ඩෙංගු රෝගීන් සංඛ්‍යාව ලක්ෂය ඉක්මවා තිබෙනවා.
ඩෙංගු රෝගය හේතුවෙන් බංගලාදේශයේ මෙම වසර තුළදී සිදුවී ඇති මරණ සංඛ්‍යාව 485ක්.
7500කට අධික සංඛ්‍යාවක් රෝහල් ගතව ප්‍රතිකාර ලබන බවයි වාර්තා වන්නේ.
ඩකා නගරයේ පමණක් ඩෙංගු රෝගය හේතුවෙන් රෝහල් ගතව සිටින සංඛ්‍යාව 3607ක් බව එරට සෞඛ්‍ය අධ්‍යක්ෂ ජනරාල්වරයා පවසනවා.
වැඩිම රෝගීන් හා මරණ සංඛ්‍යාවක් සිදුව ඇත්තේ අගෝස්තු මාසයේ දී වන අතර රෝගීන් 50359 දෙනෙකු හමුවී ඇති අතර සිදු වී ඇති මරණ සංඛ්‍යාව 234ක්.
මේ අතර ඩෙංගු රෝගය වැළදීමේ අවධානම වැඩිම රටක් ලෙස බංගලාදේශය නම් කිරීමට ලෝක සෞඛ්‍ය සංවිධානය පියවර ගෙන තිබෙනවා.
The post බංගලාදේශයේ ඩෙංගු රෝගීන් සංඛ්‍යාව ලක්ෂය ඉක්මවයි appeared first on ITN News.
Post a Comment