මෙරට සෞඛ්‍ය සේවා කටයුතු තවදුරටත් පුළුල් කරමින් පෞද්ගිලක රෝහල්වලට පමණක් සීමා වී තිබූ ඊ චැනලින් සේවාව මේ වන විට රජයේ රෝහල්වලද ක්‍රියාත්මකයි. අම්පාර දිස්ත්රික් මහරෝහලේද එම සේවාව ඊයේ (30) ආරම්භ කෙරුණා.
භාහිර රෝගී අංශය සදහා පැමිණ රෝගීන්ට ඊ චැනලින් සේවාව ඔස්සේ කළින් වේලාවක් හා දිනයක් වෙන්කර ගැනීමේ අවස්ථාව උදාවනවා. දැනට පවත්නා සෞඛ්‍ය සේවා පද්ධතිය දියුණු කිරීම හා එය ගෝලීය වශයෙන් ඉහළ නැංවීම මෙම ව්‍යාපෘතියේ අරමුණයි. සෞඛ්‍ය අමාත්‍යාංශය, විදුලි සංදේශ, ඩිජිටල් යටිතල පහසුකම් හා විදේශ රැකියා අමාත්‍යාංශය සහ ශ්‍රී ලංකා තොරතුරු සහ සන්නිවේදන තාක්ෂණ ඒජන්සියයි ඒ සදහා දායක්වය ලබා දෙන්නේ. අම්පාර දිස්ත්රික් මහරෝහලේ ඊ චැනලින් සේවා කටයුතු ආරම්භ කිරීමේ අවස්ථාවට විදුලි සංදේශ, ඩිජිටල් යටිතල පහසුකම් හා විදේශ රැකියා අමාත්‍යාංශයයේ ලේකම් වසන්ත දේශප්‍රිය සහ ශ්‍රී ලංකා ටෙලිකොම් ආයතනයේ සභාපති කුමාරසිංහ සිරිසේන යන මහත්වරුන්ද සහභාගී වුණා.
කුමාරසිංහ සිරිසේන – සභාපති – ශ්‍රී ලංකා ටෙලිකොම් ආයතනය,
ඕනෑම දුරකථන ජාලයක් මගින් 0715 225 225 යන දුරකථන අංකය ඇමතීමෙන් මෙම ඊ චැනලින් සේවාව ලබාගැනීමට අවස්ථාව උදාකර දී තිබෙනවා. මේ ඔස්සේ රෝගීන්ට කාර්යක්ෂම සේවාවක් සැපයෙන්නේ ඔවුන්ගේ වටිනා කාලයද ඉතිරි කරමින්.
වෛද්‍ය ලංකා ජයසිංහ-අධ්‍යක්‍ෂ-අම්පාර දිසා රෝහල,
Post a Comment