එක්සත් ජාතික පෙරමුණේ ප්‍රධානත්වයෙන් ස්ථාපිත කරන රජයකට සහාය ලබාදීමට දෙමළ ජාතික සන්ධානය තීරණය කර ඇති බව ලිපියක් මගින් එම සන්ධානය ජනාධිපතිතුමාට දැනුම් දී තිබෙනවා.
මන්ත්‍රිවරුන් 14 දෙනෙකුගේ අත්සනින් යුතු ලිපියක් ඔවුන් අද දිනයේ ජනාධිපති මෛත්‍රීපාල සිරිසේන මැතිතුමාට භාර දී ඇති බවයි වාර්තා වන්නේ. පසුගිය දින කිහිපය පුරාම පාර්ලිමේන්තුවේදී දෙමළ සන්ධානයේ පාර්ලිමේන්තු මන්ත්‍රි ආර් එම් සුමන්දිරම් මහතාගේ ක්‍රියා කළාපයෙන් දෙමළ සන්ධානයේ පූර්ණ සහාය එක්සත් ජාතික පක්ෂයට පළ කෙරුණු බවක් දක්නට තිබුණා. එමෙන්ම එක්සත් ජාතික පක්ෂය,සුමන්දිරම් මහතා විසින් මෙහෙය වන ආකාරයක් ද පාර්ලිමේන්තුවේදී ප්‍රදර්ශනය කෙරුනා.
මේ අතර දේශප්‍රේමී එක්සත් ජාතික පෙරමුණ ඊයේ පැවැත්වූ මාධ්‍ය හමුවකදීද දෙමළ ජාතික සන්ධානයේ වත්මන් ක්‍රියා කළාපය පිළිබදව අදහස් පළ වුණා.
Post a Comment