උතුරු මැද පළාත් හිටපු ආණ්ඩුකාරවරයකු වූ පී.බී දිසානායක මහතා අභාවප්ප්‍රාප්ත වුණා. ඒ මහතාගේ දේහය පිලිබද අවසන් කටයුතු ලබන බදාදා සිදු කිරීමට නියමිතයි.
පී.බී දිසානායක මහතා අභාවප්ප්‍රාප්ත වන විට 76 වන වියෙහි පසුවුණා. අනුරාධපුර තලාව ප්‍රාදේශීය සභාවේ විපක්ෂ නායකවරයකු ලෙස තේරීපත් වූ ඒ මහතා පසුව උතුරු මැද පළාත් සභාවේ මන්ත්‍රීවරයකු සහ සභාපතිවරයාකු ලෙසද කටයුතු කළා. 1994 වසරේදී පාර්ලිමේන්තුවට තේරීපත්වූ පී.බී දිසානායක මහතා 2000 වසර වන තෙක් පාර්ලිමේන්තු මන්ත්‍රීවරයකු සේ ක්‍රියා කළා. 2005 වසරේදී උතුරු මැද පළාත් ආණ්ඩුකාර ධුරයට පත් ඒ මහතා පසුගිය ජනවාරි මාසය දක්වා මධ්‍යම පළාත් ආණ්ඩුකාරවරයා ලෙස කටයුතු කළා. මිය යන විට ඒ මහතා ශ්‍රී ලංකා නිදහස් පක්ෂ අනුරාධපුර දිස්ත්‍රික් සංවිධායක ලෙස ක්‍රියා කළා. ඒ මහතාගේ දේහය මේ වන විට අනුරාධපුර ශ්‍රීමත් මාවත, දෙවන පියවර අංක 354 දරණ නිවසේ තැන්පත් කර තිබෙනවා.
Post a Comment