තවුහිද් ජමාත් සංවිධානයේ නායක සහරාන් හසීම් සමග සබදතා පැවැත්වූ බවට සැක පිට තරුණයෙකු වැලිමඩ ප්‍රදේශයේ දී අත්අඩංගුවට ගෙන තිබෙනවා. වැලිමඩ පොලීසිය මගින් අදාළ තරුණයා අත්අඩංගුවට ගැනුනේ සිය නිවසේ සිටියදීයි.
සැකකරු ජාතික තවුහිද් ජමාත් නායක සහරාන් හසිම් විසින් පවත්වනු ලැබූ දේශනවලට සහභාගී වී ඇති බවට ලැබුණු තොරතුරු මතයි ඔහු අත්අඩංගුවට ගැනුණේ. මාවනැල්ල ප්‍රදේශයේ බුදු පිළිම කැඩීමේ සිද්ධියට සම්බන්ධ පුද්ගලයින් සමග ද සමීප සබඳතා පැවැත්වූ බවට තොරතුරු ලැබුණු බවද පොලීසිය සඳහන් කරනවා. අත්අඩංගුවට ගත් සැකකරු වැලිමඩ මහේස්ත්‍රාත් අධිකරණයට ඉදිරිපත් කිරීමට නියමිතයි. වැලිමඩ පොලීසිය මේ සම්බන්ධයෙන් වැඩිදුර විමර්ශන සිදු කරනවා.
The post සහරාන් සමග සබඳතා පැවැත්වූ බවට සැක පිට තරුණයෙකු වැලිමඩ දී අත්අඩංගුවට appeared first on ITN News.
Post a Comment