Daily NEWS Srilanka

සාමාන්‍යපෙළ විභාගයේ පළමු අදියරේ පිළිතුරු පත‍්‍ර ඇගයිීම ලබන 04 වනදායින් අවසන් වනවා.

පාසල් 84 ක ස්ථාපනය කරනු ලැබූ ඇගයීම් මධ්‍යස්ථාන 110 කදී එම කටයුතු සිදුවන බවයි විභාග දෙපාර්තමේන්තුව ප‍්‍රකාශ කළේ. ඉන් පාසල් 47ක් පමණක් ලබන 06 වනදා දක්වා වසා තැබීමට තීරණය කර තිබෙනවා. සෙසු පාසල්වල අධ්‍යයන කටයුතු හෙට (02) දිනයේදි ආරම්භ වන බවයි විභාග කොමසාරිස් ජනරාල් සනත් පූජිත මහතා නිකුත් කළ නිවේදනයක දැක්වෙන්නේ. කොළඹ හින්දු විද්‍යාලය , තර්ස්ටන් විද්‍යාලය , මහරගම බුවනෙකබා විද්‍යාලය , පිළියන්දල මධ්‍ය මහා විද්‍යාලය සහ අවිස්සාවේල්ල ශාන්ත මරියා මහා විද්‍යාලය ඊට ඇතුලත්. පානදුර බාලිකා විද්‍යාලය , හොරණ තක්ෂිලා මධ්‍ය විද්‍යාලය , මතුගම සී ඩබ්ලිව් ඩබ්ලිව් කන්නන්ගර මධ්‍ය මහා විද්‍යාලය , ගම්පහ බණ්ඩාරවත්ත පරාක‍්‍රම මහා විද්‍යාලය , භෙනරත්ගොඩ කැප්පෙටිපොල මහා විද්‍යාලය සහ නිට්ටඹුව සංඝබෝධි මහ විද්‍යාලයේ අධ්‍යයන කටයුතු ද භෙට දිනයේදි ආරම්භ වනවා. මාතර කොටුව ජනාධිපති විද්‍යාලය , ශාන්ත සර්වේසස් මහා විද්‍යාලය, අම්බලන්ගොඩ ධර්මශෝක විද්‍යාලය, ඇල්පිටිය ආනන්ද මධ්‍ය මහා විද්‍යාලය , අකුරැස්ස ගොඩපිටිය මධ්‍ය මහා විද්‍යාලය, රත්නපුර සීවලි මධ්‍ය විද්‍යාලය , පැල්මඩුල්ල ගන්කන්ද මධ්‍ය විද්‍යාලය , බලංගොඩ ශ්‍රී‍්‍ර බුද්ධ ජයන්ති මධ්‍ය මහා විද්‍යාලය සහ ඇඹිලිපිටිය ජනාධිපති මධ්‍ය මහා විද්‍යාලය ද භෙට ආරම්භ කරන පාසල් වලට ඇතුලත්.

පුත්තලම ශාන්ත ඇන්ඩෲ මහවිද්‍යාලය, කුරුණෑගල ශාන්ත ආනා විද්‍යාලය, හලාවත ආනන්ද ජාතික පාසල, මහනුවර සීතාදේවි බාලිකා විද්‍යාලය , මහනුවර බද්උද්දින් මහමුද් බාලිකා මහ විද්‍යාලය,තෙල්දෙනිය මධ්‍ය මහා විද්‍යාලය, දඹුල්ල මොහාන් ජයමහ විද්‍යාලය සහ කැකිරාව මධ්‍ය මහා විදයාලයේ අධ්‍යයන කටයුතු ද හෙට (02) දිනයේදි ආරම්භ වන බවයි විභාග දෙපාර්තමේන්තුව පවසන්නේ.

වැල්ලවාය මල්වත්තාවල මධ්‍ය මහා විද්‍යාලය , අම්පාර ඩී එස් සේනානායක ජාතික පාසල , කල්මුණේ වෙස්ලි මහා විද්‍යාලය , මහමුද් බාලිකා මහා විද්‍යාලය , වව්නියාවව දෙමළ මහා විද්‍යාලය , මන්නාරම ශාන්ත සේවියර් පිරිමි විද්‍යාලය, යාපනය හින්දු විද්‍යාලය, හින්දු බාලිකා විද්‍යාලය සහ නෙල්ලිඅඩි මධ්‍ය මහා විද්‍යාලය ද හෙට (02) ආරම්භ වන පාසල් 37 ට ඇතුලත්.

The post සා/පෙළ විභාගයේ පළමු අදියරේ පිළිතුරු පත‍්‍ර ඇගයීම ලබන 04 වනදායින් අවසන් appeared first on ITN News.

ලක්හඬ ගුවන් විදුලිය අද (01) සිට නව ගමනක් ආරම්භ කිරිමට තීරණය කර තිබෙනවා. ඒ ලක්හඬ ගුවන් විදුලියේ  පෙර පැවති වටිනාකම් සහ හර පද්ධතීන් ද ආරක්ෂා කර ගනිමින්. ලක්හඬ ගුවන් විදුලියේ  සුභාවිත ගීත කලාව , නවමු ආකාරයක වැඩසටහන් සහ අපක්ෂපාතී සමබර ප‍්‍රවෘත්ති ඉදිරිපත් කිරිමට ලක්හඬ ගුවන් විදුලිය අද සිට සූදානම් වෙනවා. ශ්‍රී‍්‍ර ලාංකේය අනන්‍යාව ආරක්ෂා කර ගනිමින් අද සිට ආයෙමත් ආදරෙන් තේමාවෙන් ඔබට ශ‍්‍රවනය කළ හැකි ලක්හඬ ගුවන් විදුලිය ශ‍්‍රාවකයන්ගේ අපේක්ෂා යතාර්ථයක් කිරිමටයි බලාපොරොත්තු වන්නේ.

ජාතික මාධ්‍ය මෙහෙවරක් ඉටුකරමින් අද (01) සිට ලක්හඬ ගුවන් විදුලියෙන් නවමු ආකාරයේ වැඩසටහන් ගණනාවක් ප‍්‍රචාරය කෙරෙනවා.

ලංකාවේ හඬ නැමති විරුදාවලියෙන් ලක්හඬ ගුවන් විදුලිය ආරම්භ කළේ ශ්‍රී‍්‍ර ලාංකේය ජනතාවගේ සන්නිවේදන අවශ්‍යතා සහ අපේක්ෂා ඉටු කිරිම වෙනුවෙන්. 1996 නොවැම්බර් මස 15 වන දින ආරම්භ කළ ලක්හඬ ගුවන් විදුලිය අද දක්වා කාලය තුළ විවිධ වෙනස්කම් වලට ලක්වුණා.

එෆ්එම් නාලිකාවක් ලෙස පසුගිය වසර හතරක කාලය තුළ වෙනස්වූ අප ගුවන් විදුලිය ලක්හඬ ලෙසින් අද සිට ඔබට ශ‍්‍රවනය කළ හැකි වනවා. ලක්හඬ යළි ආරම්භ කිරිම සම්බන්ධයෙන් ලක්හඬ ගුවන් විදුලියේ නිර්මාතෘ සහ පුරෝගාමියා වූ ජ්‍යෙෂ්ට මාධ්‍යවේදි නිව්ටන් ගුණරත්න මහතා සිය ප‍්‍රශංසාව පළකළා.

ජෝතිෂ්‍යවේදියෙකු මෙන්ම පඬ්වරයෙකු වූ අරිසෙන් අහුබුදු මහතා ලංකාවේ හඬ නැමති විරුදාවලියෙන් ලක්හඬ ගුවන් විදුලියට නම් තැබුවා. එය යතාර්ථයක් කරමින් ශ්‍රී‍්‍ර ලංකාවේ මාධ්‍ය ඉතිහාසයේ ප‍්‍රජා සත්කාර සේවාව ආරම්භ කළේ ද ලක්හඬ ගුවන් විදුලියයි.

පසුගිය කාලය තුළ සිදුවූ පසුබෑම් හදුනා ගනිමින් නව ගමනක් ආරම්භ කළ ලක්හඬ ගුවන් විදුලියේ ඉදිරි ගමන සුභදායක වන බවයි විෂය භාර අමාත්‍ය බන්දුල ගුණවර්ධන මහතා ප‍්‍රකාශ කළේ.

The post ලක්හඬ යළි උපදී appeared first on ITN News.

ස්වාධීන රූපවාහිනිය  අද (01) සිට නව ගමනක් ආරම්භ කිරිමටයි තීරණය කර තිබෙන්නේ. ඒ  ස්වාධීන රූපවාහිනියේ පෙර පැවති වටිනාකම් සහ හර පද්ධතීන් ද ආරක්ෂා කර ගනිමින්.

අද (01) සිට නව ගමනක් ආරම්භ කරන ස්වාධීන රූපවාහිනිය පෙබරවාරි 4 වනදා සිට පූර්ණ වෙනසකට ලක් කෙරෙනවා. නිදහස් දා ජනමනස නිදහස් කිරීමටයි ස්වාධීන රූපවාහිනිය අපේක්ෂා  කරන්නේ. ඒ අපක්ෂපාතී නැවුම් ප්‍රවෘත්ති, සම්භාව්‍ය ටෙලි නාට්‍ය සහ ප්‍රබුද්ධ මෙන්ම ජනතාවගේ අපේක්ෂා ඉටුවන වැඩසටහන් ද ඉදිරිපත් කරමින්.

ස්වාධීන රූපවාහිනී මාධ්‍ය ජාලයේ නව සභාපති ප්‍රවීන කලාකරු සුදත් රෝහණ මහතාගේ පූර්ණ ආශිර්වාදයෙන් ප්‍රධාන විධායක නිලධාරී නලින් කුමාර නිශ්ශංඛ මහතාගේ මගපෙන්වීමෙන් සහ සමස්ත කාර්ය මණ්ඩලයේ කැපවීමෙන් එම අරමුණු කරා ළගාවීමයි අපේක්ෂාව.

The post ස්වාධීන රූපවාහිනියත් අද සිට නව ගමනක appeared first on ITN News.

ශ්‍රී‍්‍ර ලංකාව සමඟ තානාපති සබඳතා වර්ධනය කර ගැනිමට සූදානම් බව ස්විට්සර්ලන්තය ප‍්‍රකාශ කළා.

තානාපති කාර්යාල නිලධාරිනි ගානියා බැනිස්ටර් ප‍්‍රැන්සිස්ගේ සිදුවිමත් සමඟ දෙපාර්ශවය අතර සබඳතා වලට බාධා මතුවුණා. එය යළි නිවැරදි කර ගනිමින් දෙරට අතර සබඳතා වර්ධනය කර ගැනිමට අපේක්ෂා කරන බවයි ස්විට්සර්ලන්ත තානාපති කාර්යාලය සදහන් කළේ.

ඒ නිවේදනයක් නිකුත් කරමින්. ශ්‍රී‍්‍ර ලංකාව තුළ පවතින නීතිමය කි‍්‍රයාවලියට ඕනෑම අයෙකු අවනත විය යුතු බවද ඔවුන් නිකුත් කළ නිවේදනයේ දැක්වෙනවා.

The post ශ්‍රී‍්‍ර ලංකාව සමඟ තානාපති සබඳතා වර්ධනය කරගන්නා බව ස්විට්සර්ලන්තය කියයි appeared first on ITN News.

ජයග්‍රහණයට වඩා ජනාධිපතිවරණයේදී තමන්ට විඳීමට සිදුවූයේ පරාජිත අභියෝගවලට මුහුණදීම බව පාර්ලිමේන්තු මන්ත්‍රී සජිත් ප්‍රේමදාස මහතා පවසනවා.

සජිත් ප්‍රේමදාස මහතා මෙම අදහස් පළ කළේ මාවතගම ප්‍රදේශයේ පැවති ජනහමුවක් අමතමින්.

පාර්ලිමේන්තු මන්ත්‍රී ජේසී අලවතුවල මහතායි එය සංවිධාන කර තිබුණේ.

ජනාධිපතිවරණයේදී තමන්ට සහාය දුන් කුරුණෑගල දිස්ත්‍රික් ජනතාවට ස්තූතිය පළ කිරීම සඳහා මෙය සංවිධාන කර තිබුණා.

The post ජනාධිපතිවරණයේදී විඳීමට සිදුවූ දේ සජිත් කියයි appeared first on ITN News.

මෙම වසර මැතිවරණ වසරක් බව අග්‍රාමාත්‍ය මහින්ද රාජපක්ෂ මහතා පවසනවා. තංගල්ල වජිරගිරි විහාරස්ථානයේ පැවති වැඩසටහන් කිහිපයකට එක්වෙමින් අග්‍රාමාත්‍යවරයා මේ බව සදහන් කළා.

තංගල්ල,  රුහුණුකරළිය මගින් සංවිධානකර තිබූ ගැබිණි මවුවරුන් සිය දෙනෙකු සදහා පෝෂණ මලු ලබාදීම සිදුවුණේ අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන්. අඩු ආදායම් ලාභී පවුල්වල දරුවන් සිය දෙනෙකු සදහා පාසල් පොත් හා අධ්‍යාපන උපකරණ ප්‍රදානය කිරීම ද ආබාධිත තත්ත්වයේ පසුවන්නන් දස දෙනෙකුට රෝද පුටු ලබාදීම ද මෙහිදී සිදුවුණා.

විහාරස්ථානය වෙත පැමිණි සිටි පිරිසට නව වසරේ සුබපැතුම් එක්කිරීමට ද අග්‍රාමාත්‍යවරයා කටයුතු කළා.

The post 2020 පොරොන්දු ඉටුකරන වසරක් බව අගමැති පවසයි appeared first on ITN News.

අලි මිනිස් ගැටුම අවම කිරීමට වනජීවී සංරක්ෂණ හා සිවිල් ආරක්ෂක දෙපාර්තමේන්තුව එක්ව නව වැඩපිළිවෙළක් ක්‍රියාවට නැංවීමට කටයුතු යොදා තිබෙනවා.

අලි මිනිස් ගැටුම අවම කිරීමට ක්‍රියාත්මක කඩිනම් කළමනාකරණ වැඩපිළිවෙළ යටතේ නව වැඩසටහන ක්‍රියාවට නැංවීමටයි පියවර ගෙන ඇත්තේ. අලින්ගෙන් පීඩා විදින ජනතාවට සහන සැලසීම සදහා තොරතුරු ලබාගැනීමට නව දුරකතන අංකයක් ද හදුන්වාදී තිබෙනවා.

1992 දරණ හදිසි සේවා දුරකතන අංකයට දවසේ පැය 24 පුරා ඇමතුම් ලබාදිය හැකියි. අමාත්‍ය එස්එම් චන්ද්‍රසේන මහතාගේ උපදෙස් මත එය හදුන්වා දී ඇති අතර මෙහිදී වනජීවී සංරක්ෂණ හා සිවිල් ආරක්ෂණ දෙපාර්තමේන්තුව ඒකාබද්ධව සහන කටයුතු ක්‍රියාවට නැංවීමටයි පියවර ගෙන ඇත්තේ.

මේ අතර මේ දිනවල දඹුල්ල හබරන මාර්ගයේ දිගම්පතන රක්ෂිතයේ වන අලි වැඩිවශයෙන් ගැවසෙන බැවින් බොහෝ පිරිස් අලි නැරඹීමට අනාරක්ෂිත අයුරින් කටයුතු කරන බවට තොරතුරු වාර්තා වී තිබෙනවා. දිවා කාලයේ මෙන්ම රාත්‍රී කාලයේ ද මාර්ගය ආසන්නයේ සිටින අලි නැරඹීමටත්,  ඡායාරූප ගැනීම ආදියත් බොහෝ දෙනා සිදුකරන්නේ ආරක්ෂාව පිළිබද නොසලකාහරිමින් බවයි වනජීවී නිලධාරීන් පෙන්වා දෙන්නේ.

එහෙයින් මෙවැනි ක්‍රියාවලින් වැළකී සිටින ලෙස එම නිලධාරීන් ජනතාවගෙන් ඉල්ලා සිටිනවා.

The post අලි මිනිස් ගැටුම අවම කිරීමට නව වැඩපිළිවෙළක් appeared first on ITN News.

ඔස්ටේ‍්‍රලියාවේ ප‍්‍රදේශ රැසකට ති‍්‍රවිධ හමුදාව යෙදවීමට බලධාරින් පියවර ගත්තා.

ලැව්ගිනි හේතුවෙන් මතුව ඇති ගැටලු සමථයකට පත් කිරිමයි අරමුණ. නාවික හමුදාවේ නෞකා සහ ගුවන් හමුදා යානා ද ඒ සදහා යොදා ගන්නා බවයි ඔසටේ‍්‍රලියාව පවසන්නේ.

ප‍්‍රදේශ රැසකින් ජනතාව ඉවත් කිරිමටත් කටයුතු යොදා තිබෙනවා.

The post ඔස්ටේ‍්‍රලියාවේ ප‍්‍රදේශ රැසකට ති‍්‍රවිධ හමුදාව appeared first on ITN News.

වරාය ක්ෂේත‍්‍රයේ පුළුල් සංවර්ධන වැඩසටහනක් කි‍්‍රයාත්මක කරන බව අමාත්‍ය ජොන්ස්ටන් ප‍්‍රනාන්දු මහතා සදහන් කළා.

කන්කසන්තුර වරායේ නව පර්යන්තයක් ඉදිකිරිමත් ඊට අයත්. මෙහෙයුම් වර්ධනය කරමින් ආදායම් ඉහළ නංවා ගැනීමයි අරමුණ. සැලසුම් සකස් කිරිම හා ක‍්‍රමවේද කි‍්‍රයාත්මක කිරිමට විශේෂ වැඩපිළිවෙලක් ආරම්භ කරන බවත් අමාත්‍යවරයා පෙන්වා දුන්නා.

The post වරාය ක්ෂේත‍්‍රයේ පුළුල් සංවර්ධන වැඩසටහනක් කි‍්‍රයාත්මක කරන බව ඇමති ජොන්ස්ටන් කියයි appeared first on ITN News.

ගජමුතු ප‍්‍රවාහනය කරමින් සිටි හත් දෙනෙකු අත්අඩංගුවට ගෙන තිබෙනවා.

ඒ කල්මුණේ ප‍්‍රදේශයේදි. නාවික හමුදා බුද්ධි අංශ නිලධාරින්ට ලැබුණු තොරතුරකට අනුවයි වැටලීම සිදුකර තිබෙන්නේ. සැකකරුවන් ළඟ තිබී ගජමුතු පහක් හමුවුණා. වැඩිදුර විමර්ශන සදහා ඔවුන් භාරදි තිබෙන්නේ කල්මුනේ පොලිස් ස්ථානයට.

The post ගජමුතු ප‍්‍රවාහනය කරමින් සිටි හත් දෙනෙකු අත්අඩංගුවට appeared first on ITN News.

හැදෙන රටට වැඩෙන ගසක් ජාතික රුක් රෝපණ වැඩසටහන ඓතිහාසික අනුරාධපුර පුරවරයේදී අද ආරම්භ වනවා.

දැනට 29%ක්ව පවතින මෙරට වන ගහනය ඉදිරි පස්වසර තුළ 32% දක්වා ඉහළ නැංවීම අරමුණුකර ගනිමින් හැදෙන රටට වැඩෙන ගසක් ජාතික රුක් රෝපණ වැඩසටහන ක්‍රියාවට නැංවෙනවා. ජනාධිපති ගෝඨාභය රාජපක්ෂ මැතිතුමාගේ පරිසර ප්‍රතිපත්ති ප්‍රකාශනයට සමගාමීව මෙය ක්‍රියාත්මක වන්නේ වසරකට පැළ දසලක්ෂයක් රෝපණය කිරීමේ අරමුණ ඇතිවයි. සමාරම්භක උත්සවය අමාත්‍ය එස් එම් චන්ද්‍රසේන මහතාගේ ප්‍රධානත්වයෙන් පෙරවරු 9.49 ට යෙදෙන සුබ මොහොතින් අනුරාධපුර ඓතිහාසික මහමෙවුනා උයනේදී පැවැත්වීමටයි කටයුතු යෙදා ඇත්තේ. මෙම වැඩසටහනට අවශ්‍ය පැළ වර්ග ලබාදීම සිදුකරන්නේ වන සංරක්ෂණ හා වනජීවී ආරක්ෂණ දෙපාර්තමේන්තු මෙන්ම මධ්‍යම පරිසර අධිකාරිය හා මහවැලි අධිකාරිය මඟිනුයි.

The post “හැදෙන රටට වැඩෙන ගසක්” ජාතික රුක් රෝපණ වැඩසටහන අද ඇරඹේ appeared first on ITN News.

අකාර්යක්‍ෂම රාජ්‍ය සේවයට තම ධුර කාලයේදී තිත තබන බව ජනාධිපති ගෝඨාභය රාජපක්‍ෂ මැතිතුමා අවධාරණය කරනවා. ප්‍රවාහන අමාත්‍යාංශයේ ජ්‍යෙෂ්ඨ නිලධාරීන් පිරිසක් සමග ජනාධිපති කාර්යාලයේ පැවති සාකච්ඡාවකදී ජනාධිපතිතුමා මේ බව කියාසිටියා.

පැවති සෑම රජයක් කෙරෙහිම ජනතා වෛරයක් ඇති කළ රාජ්‍ය සේවයේ අකාර්යක්‍ෂමතාව තම ධුර කාලයේදී අවසන් විය යුතු බව ජනාධිපතිතුමා මෙහිදී ප්‍රකාශ කළා. දෛනික ජන ජීවිතයට සෘජුව සම්බන්ධ සියලු රාජ්‍ය ආයතන කාර්යක්‍ෂමව හා විනිවිදභාවයෙන් යුත් පිරිසිදු ආයතන බවට පත් විය යුතුයි. රාජ්‍ය සේවයේ කාර්යක්‍ෂමතාව සහතික කිරීමට නම් අවශ්‍ය අණපනත් මෙන්ම රෙගුලාසි කඩිනමින් සංශෝධනය විය යුතු වනවා. සියලු රාජ්‍ය සේවාවන් සරළ මෙන්ම ජනතාව අපහසුතාවට පත් නොවන ක්‍රමවේදයකින් ක්‍රියාත්මක විය යුතු බව ද ජනාධිපතිතුමා මෙහිදී ප්‍රකාශ කළා. රාජ්‍ය සේවය පිළිබඳ ජනතා විශ්වාසය යළි තහවුරු කිරීම සියලු රාජ්‍ය සේවකයන්ගේ වගකීමක් බව ජනාධිපතිතුමා මෙහිදී පෙන්වා දුන්නා.

එහිදී විවෘත සංවාද,  සාකච්ඡා හා නොසගවා ගැටලු ඉදිරිපත් කිරීම ඉතා වැදගත්. රාජ්‍ය සේවයේ ඉහළ තනතුරු සඳහා හැකියාවන් මෙන්ම වෘත්තීය නිපුණත්වයක් ඇති පිරිස් බඳවා ගැනීමට විද්වත් කමිටුවක් පත් කළේ ද රාජ්‍ය සේවය රටේ කොඳු නාරටිය සේ සැලකූ නිසා බව ද ජනාධිපතිතුමා පැවසුවා. රාජ්‍ය සේවයේ සියලු අක්‍රමිකතා බැහැර කළ යුතුයි. ජන ජීවිතයට වැදගත් වන රාජ්‍ය ආයතනවල අක්‍රමිකතා සොයා බැලීම හා වැරදිකරුවන් නීතියේ රැහැනට හසුකර ගැනීමට තමා බුද්ධි අංශය සහ අපරාධ පරික්‍ෂණ දෙපාර්තමේන්තුව වෙත උපදෙස් දුන් බව ද ජනාධිපතිතුමා කියාසිටියා. රාජ්‍ය සේවකයෙකු දූෂණ වංචාවන්ට සම්බන්ධ වුවහොත් තරාතිරම නොබලා දඬුවම් ලබා දෙන අතර ඔහුට යළි කිසිදු දිනෙක රාජ්‍ය සේවයේ අවස්ථාවක් නොදෙන බව ද මෙහිදී ප්‍රකාශ කෙරුණා. අල්ලස් ලබාගන්නන් මෙන්ම ඒවා ලබා දෙන අය ද නීතියේ රැහැනට හසුකර ගැනීම අපේක්‍ෂාවයි.

දෙස් විදෙස් සියලු දෙනා රට ගැන පැහැදීමක් ඇතිකර ගන්නේ රාජ්‍ය සේවයේ ක්‍රියාකාරිත්වය අනුවයි. රාජ්‍ය සේවකයන්ට වැටුප් මෙන්ම පහසුකම් සලසන්නේ ජනතාව උපයන ආදායමෙන්. මහජන සේවාව කාර්යක්‍ෂම කිරීමට නව තාක්‍ෂණික ක්‍රමෝපායන් අනුගමනය කිරීමේ අවශ්‍යතාව ද ජනාධිපතිතුමා මෙහිදී පෙන්වා දුන්නා. වේරහැර මෝටර් රථ දෙපාර්තමේන්තුවේ ජනාධිපතිතුමා පසුගියදා කළ චාරිකාවෙන් අනතුරුව එහි ක්‍රියාකාරිත්වය පිළිබඳව ද මෙම සාකච්ඡාවේදී සමාලෝචනයට ලක්වුණා. රියදුරු බලපත්‍ර ලබා ගැනීමේ වෛද්‍ය පරික්‍ෂණයේ සංකීර්ණභාවය පැහැදිලි කළ ජනාධිපතිතුමා සැහැල්ලු වාහන සඳහා ඇස් පරික්‍ෂාව පමණක් ප්‍රමාණවත් බව පෙන්වා දුන්නා.

එම පරික්‍ෂාව ද රෝහල් මට්ටමින් ලබා දීම පිළිබඳ සොයා බැලීමට තීරණය කෙරුණා. පූර්ණ වෛද්‍ය පරික්‍ෂණය බරවාහන රියදුරු බලපත්‍ර සඳහා සීමා කරන්නැයි ජනාධිපතිතුමා මෙහිදී දැනුම් දුන්නා. මැතිඇමතිවරුන් ඇතුලු පිරිසක් මෙම සාකච්ඡාවට එක්ව සිටියා.

The post අකාර්යක්‍ෂම රාජ්‍ය සේවයට තිත තබන බව ජනපති කියයි appeared first on ITN News.

න්‍යෂ්ඨික ආයුධ නිෂ්පාදනය අත්හරින බව උතුරු කොරියා නායක කිම් ජොන් උන් ප‍්‍රකාශ කළා.

මීට පෙර අවස්ථා කිහිපයකදී මිසයිල ඇතුළු ආයුධ අත්හදා බැලීමට ඔවුන් පියවර ගත්තා. ඒ හේතුවෙන් සම්බාධක පැනවීමටයි ඇමරිකාව සහ ජගත් ආරක්ෂක මණ්ඩලය තීරණය කළේ. උතුරු කොරියාවේ නව වැඩසටහන් යහපත් ප‍්‍රවේශයක් විය හැකි බවයි දේශපාලන විශ්ලේෂකයන් සදහන් කළේ.

The post න්‍යෂ්ඨික ආයුධ නිෂ්පාදනය අත්හරින බව කිම් ජොන් උන් කියයි appeared first on ITN News.

සංවිධානාත්මක අපරාධ සංවිධානවල කි‍්‍රයාකාරකම් මැඩපැවැත්විම සදහා විශේෂ මෙහෙයුම් ඒකකයක් ස්ථාපිත කර තිබෙනවා.

ඒ බස්නාහිර උතුරු දිශාව භාර නියෝජ්‍ය පොලිස්පති වරුණ ජයසුන්දර මහතාගේ අධීක්ෂණය යටතේ. ජනතාවට තර්ජනය කිරිම , ඔවුන්ගේ ඉඩම් අඩු මිලට ගෙන නීතිවිරෝධී ලෙස වැඩි මිලට අළෙවි කිරිම සහ කප්පම් ලබා ගැනීම ඇතුළු සිදුවිම් පිළිබදව විශේෂ අවධානය යොමුකර ඇති බවයි ආරක්ෂක අමාත්‍යාංශය සදහන් කළේ.

කැලණි ගඟ ආශි‍්‍රතව අවිස්සාවේල්ල සහ වැල්ලම්පිටිය දක්වා සිදුවන කි‍්‍රයාකාරම් පිළිබදව විශේෂ අවධානය යොමුකර ඇති බවත් ආරක්ෂක අමාත්‍යාංශය සදහන් කළා.

The post සංවිධානාත්මක අපරාධ මැඩලීමට විශේෂ පොලිස් ඒකකයක් appeared first on ITN News.

අත්‍යවශ්‍ය භාණ්ඩ 10 ක් ඇතුළත් රුපියල් තුන්දහස් හයසියයක් වටිනා සහන පැකේජයක් අඩු ආදායම්ලාභි පවුල් වෙත ලබා දීමට රජය තීරණය කර තිබෙනවා.

රජයේ ප්‍රවෘත්ති දෙපාර්තමේන්තුවේ අද (31) පැවති මාධ්‍ය හමුවකදී රාජ්‍ය අමාත්‍ය ලක්‍ෂ්මන් යාපා අබේවර්ධන මහතා මේ බව කියාසිටියා. බදු සහනවල ප්‍රතිලාභ හෙට (01) සිට නියත වශයෙන්ම ජනතාවට ලැබෙන බව ද රාජ්‍ය අමාත්‍යවරයා මෙහිදී අවධාරණය කළා. රාජ්‍ය අමාත්‍ය සුසිල් ප්‍රේමජයන්ත මහතා ද මෙහිදී අදහස් පළ කළා.

The post අත්‍යවශ්‍ය භාණ්ඩ 10ක සහන පැකේජයක් appeared first on ITN News.

ඖෂධ නීතිගත සංස්ථාවේ හිටපු සභාපති රූමි මොහොමඩ් මහතා ලබන 06 වනදා දක්වා රක්ෂිත බන්ධනාගාරගත කෙරුණා.

කොළඹ මහේස්ත‍්‍රාත් අධිකරණයයි නියෝගය නිකුත් කළේ. අද (31) පෙරවරුවේ ඔහු අපරාධ පරීක්ෂණ දෙපාර්තමේන්තුවට භාරවීමෙන් පසු අත්අඩංගුවට ගෙන අධිකරණයට ඉදිරිපත් කර තිබෙනවා. හිටපු අමාත්‍ය රාජිත සේනාරත්න මහතා පැවැත්වු සුදුවෑන් මාධ්‍ය හමුවට මූල්‍ය පහසුකම් සපයා දුන් බවට ඔහුට චෝදනා එල්ල වුණා. තමන්ට රුපියල් ලක්ෂ විස්සක මුදලක් ලබාදෙන බවට රූමි මොහොමඩ් පොරොන්දුු වූ බවටයි සැකකරුවන් ප‍්‍රකාශ කර තිබුණේ.

සැකකරු අධිකරණයට ඉදිරිපත් කරමින් රහස් පොලිසිය වෙනුවෙන් පෙනී සිටි රජයේ නියෝජ්‍ය සොලිසිටර් ජනරාල් දිලීප පීරිස් මහතා අධිකරණය හමුවේ කරුණු පැහැදිලි කළා. මෙම නඩුවට මුල්වී තිබෙන සුදුවෑන් මාධ්‍ය සාකච්ඡාවට සහභාගිවීම සදහා දැනට රක්ෂිත බන්ධනාගාරයේ පසුවන සැකකරුවන් රුපියල් ලක්ෂ තිහක මුදලක් ඉල්ලා ඇති අතර එය ලක්ෂ විස්සක් දක්වා අඩුකර තිබෙනවා.

සැකකරුවන්ට ලක්ෂ විස්සක් ලබාදී ඇත්තේ රූමි මොහොමඩ් බව පරීක්ෂණ වලදි හෙලිව ඇතැයි ද නියෝජ්‍ය සොලිසිටර් ජනරාල්වරයා කියා සිටියා. ඒ අනුව ඉදිරි විමර්ශන සදහා සැකකරු රක්ෂිත බන්ධනාගාරගත කිරිමටයි මහේස්ත‍්‍රාත් අධිකරණය නියෝග කළේ.

The post SPC හිටපු සභාපති රූමි මොහොමඩ් ලබන 06 වනදා දක්වා රිමාන්ඩ් appeared first on ITN News.

ලොවපුරා ජනතාව අලුත් අවුරුද්ද පිළිගැනීමට එක්වුණා.

ඒ සදහා විවිධ සැමරුම් උත්සව සංවිධාන කර තිබූ බවයි ජාත්‍යන්තර මාධ්‍ය සදහන් කළේ. නර්තන සහ විවිධ ප‍්‍රසංග ද ඊට අයත්. මල්වෙඩි සංදර්ශන ද ලොවපුරා පවත්වා තිබෙනවා. ඔස්ටේ‍්‍රලියාව , ඉන්දියාව , හොංකොං , ප‍්‍රංශය , බි‍්‍රතාන්‍යය , රුසියාව , නවසීලන්තය ඇතුළු රටවල් ද ඊට අයත්. එක් එක් රට වලට ආවේනික වැඩසටහන් වලින් අලුත් අවුරුදු උදාව සැමරීමට කටයුතු යොදා තිබෙනවා.

ලොවපුරා නායකයන් ද ඊට දායකත්වය ලබා දුන්නා. ජනතාව විශාල වශයෙන් වීථි බැස ගිනිකෙලි සංදර්ශන වලට එක්වු බවයි මාධ්‍ය සදහන් කළේ. අලුත් අවුරුදු උදාව මුලින්ම පිළිගත් රටවල් අතරට නවසීලන්තය ද එක්වුණා. ඕක්ලන්ඩ් ඇතුළු නගර උත්සවශි‍්‍ර ගත් බවත් ඔවුන් ප‍්‍රකාශ කළා. කෙසේ වෙතත් හොංකොං සහ පැරිස් ඇතුළු ඇතැම් ස්ථානවල පැවති විරෝධතා හේතුවෙන් ගැටලු හටගත් බවයි මාධ්‍ය සදහන් කළේ.

The post ලොවපුරා ජනතාව නව අවුරුදු සැමරීමට එක්වෙති appeared first on ITN News.

සියලු දුම්රිය ස්ථාන හරිත දුම්රිය ස්ථාන බවට පත්කිරිමේ වැඩපිලිවෙලක් ආරම්භ කරන බව අමාත්‍ය මහින්ද අමරවීර මහතා ප‍්‍රකාශ කළා.

ඒ හෙට (01)  දිනයේ සිට. වැඩපිලිවෙල ආරම්භ වන්නේ දෙමටගොඩ දුම්රිය ස්ථානයෙන්. පරිසරයට හිතකර ශාක වර්ග කිහිපයක් දුම්රිය ස්ථානවල සිටුවීම ද එහිදි සිදුවනවා.

The post සියලු දුම්රිය ස්ථාන හරිත දුම්රිය ස්ථාන බවට පත්කිරිමේ වැඩපිලිවෙලක් appeared first on ITN News.

රජයේ මුද්‍රණාලය ආශ්‍රිතව මුද්‍රණ ක්ෂේත්‍රය සම්බන්ධයෙන් දැනුම ලබාදීමේ විද්‍යායතනයක් පිහිටුවීමට කැබිනට් පත්‍රිකාවක් ඉදිරි සති කිහිපයේ දී ඉදිරිපත් කරන බව අමාත්‍ය බන්දුල ගුණවර්ධන මහතා පවසනවා.

අමාත්‍ය බන්දුල ගුණවර්ධන මහතා රජයේ මුද්‍රණාලයේ නිරීක්ෂණ චාරිකාවකට එක්වෙමින් එහි කටයුතු සොයා බැලුවා. මුද්‍රණාල භූමියේ සෑම ස්ථානයක් වෙතම ගිය අමාත්‍යවරයා එම සේවකයින් සමග ද සාකච්ඡා කළා. අනතුරුව රජයේ මුද්‍රණාලයේ ක්‍රියාකාරීත්වය සම්බන්ධයෙන් පාලන අධිකාරිය සමග ද අමාත්‍යවරයා සාකච්ඡා පැවැත්වූවා.

The post මුද්‍රණ ක්ෂේත්‍රය සම්බන්ධව දැනුම ලබාදීමට විද්‍යායතනයක් appeared first on ITN News.

රක්ෂිත ප‍්‍රදේශයක පතල් කැනීම් කළ පුද්ගලයන් පස් දෙනෙකු අත්අඩංගුවට ගත් බව විශේෂ කාර්ය බලකාය සඳහන් කළා.

කහවත්ත කඳවුරේ නිලධාරින් වැටලීම් සිදුකර තිබෙන්නේ රක්වාන පොලිස් වසමේ පන්නිල රක්ෂිතයේදී. ඔවුන් ළඟ තිබූ උපකරණ තොගයක් ද ආරක්ෂක අංශ භාරයට ගත්තා. එම පුද්ගලයන් පස්දෙනා භාරදී තිබෙන්නේ රත්නපුර මැණික් හා ස්වර්ණාභරණ අධිකාරියට.

මේ අතර බගවන්තලාව චැපල්ටන් තේවත්තේ පරිසර හානියක් සිදුකරමින් අනවසරයෙන් මැණික් ගැරූ තුන් දෙනෙකු අත්අඩංගුවට ගෙන තිබෙනවා. මැණික් ඉල්ලම් සහිත පස් තොගයක් සහ මැණික් ගැරීමට යොදාගත් උපකරණද පොලිස් භාරයට ගත් බවයි අප වාර්තාකරු සදහන් කළේ.

සැකකරුවන් හැටන් මහේස්ත‍්‍රාත් අධිකරණයට ඉදිරිපත් කිරිමටයි නියමිත.ඔවුන් චැපල්ටන් තේ වත්තේ පදිංචි කරුවන් බවද පොලිසිය සදහන් කළා.

The post රක්ෂිත ප‍්‍රදේශයක පතල් කැනීම් කළ පුද්ගලයන් පස් දෙනෙකු අත්අඩංගුවට appeared first on ITN News.

රජයට අයත් වතු සමාගම්වලට බදු දී ඇති වතු සම්බන්ධයෙන් ඉදිරියේදී විශේෂ ක්‍රියාමාර්ග ගන්නා බව රාජ්‍ය අමාත්‍ය වාසුදේව නානායක්කාර මහතා පවසනවා.

රත්නපුර ප්‍රදේශයේ පැවති උත්සවයකදී ඒ මහතා මේ බව ප්‍රකාශ කළා. රත්නපුර, නිවිතිගල, දෑලදොඹගම්මන ප්‍රදේශයේ ජනතාවගේ ජලගැටලුවට විසඳුම් ලබා දෙමින් පානිය ජල ව්‍යාපෘතියේ ඉදිකිරීම් ආරම්භ කිරීම වාසු දේව නානායක්කාර මහතාගේ ප්‍රධානත්වයෙන් සිදු කෙරුණා. ඒ සඳහා වැය කෙරෙන මුදල රුපියල් ලක්ෂ 590 ක්. මාස 08 ක් තුළ ව්‍යාපෘතිය අවසන් කිරීමට නියමිතයි.  මෙහිදී අදහස් දැක්වූ වාසුදේව නානායක්කාර මහතා කියා සිටියේ ආර්ථිකය ශක්තිමත් කිරීමට රජය විශේෂ තීරණ රැසක් මේ වන විටත් ගෙන ඇති බවයි.

The post රජයට අයත් වතු සමාගම්වලට බදු දී ඇති වතු සම්බන්ධයෙන් ඉදිරියේදී විශේෂ ක්‍රියාමාර්ග ගන්නවා appeared first on ITN News.

රුපියල් කෝටියකට වැඩි වටිනාකමකින් යුතු හෙරොයින් මත්ද්‍රව්‍ය තොගයක් වව්නියාවේදී පොලිස් භාරයට ගෙන තිබෙනවා.

ඒ කොළඹ සිට මන්නාරම දක්වා ගමන් ගත් බස් රථයක් සෙට්ටිකුලම පොලිස් මාර්ග බාධකයේදී පරික්ෂා කළ අවස්ථාවේදී. බස් රථයේ බෑගයක් තුළ සඟවා තිබියදී හෙරොයින් මත්ද්‍රව්‍ය සොයාගත් බවයි අප වාර්තාකරු සදහන් කළේ. අත්අඩංගුවට ගෙන තිබෙන්නේ කිලිනොච්චිය පුනරින් ප‍්‍රදේශයේ පදිංචි 24 හැවිරිදි තරුණයෙක්.

ඔහු මන්නාරම ඇතුලු ප‍්‍රදේශ රැසකට මත්ද්‍රව්‍ය බෙදාහරින බවට ද තොරතුරු හෙළිවුණා. සැකකරු සහ මත්ද්‍රව්‍ය තොගය ඉදිරිපත් කරන්නේ වව්නියාව මහේස්ත‍්‍රාත් අධිකරණයට.

The post වව්නියාවේ බස් රථයකින් රුපියල් කෝටියක හෙරොයින් appeared first on ITN News.

කොස්ගොඩ, රංවල පාලම යට තිබී ගිනි අවි සහ ගිනි අවි කොටස් කිහිපයක් හමුවුණා.

ස්නයිෆර් ගිනි අවි දෙකක් හා ඒවාට යොදන උණ්ඩ නවයක්, ටී 56 වර්ගයේ ගිනි අවි කොටස් හා එහි මැගසින් කොටස් හයක් මෙන්ම බෝර 12 ගිනි අවි කොටස් මෙසේ සොයා ගැණුනා. විශේෂ කාර්ය බලකායේ සංවිධානාත්මක අපරාධ මර්දන අංශය මගිනුයි මේවා සොයාගෙන ඇත්තේ. පාස්කු ඉරිදා ත්‍රස්ත ප්‍රහාරයෙන් පසුව දිවයින පුරා සිදුකළ සෝදිසි මෙහෙයුම් හේතුවෙන් මේවා ගගට විසිකරන්නට ඇති බවටයි සැක කෙරෙන්නේ. පාලම යට අඩි 5 ක් පමණ ගැඹුරු දියේ පොහොර උරවල බහා තිබියදී අවි ආයුද හා කොටස් සොයා ගැණුනේ.

මේ අතර කැළණි ගග ආශ්‍රිත අවිස්සාවේල්ල සිට වැල්ලම්පිටිය දක්වා සංවිධානාත්මක අපරාධ කල්ලිවල ක්‍රියාකාරකම් පාලනය කිරීම සඳහා විශේෂ මෙහෙයුම් ඒකකයක් පිහිටුවා තිබෙනවා. මෙම ප්‍රදේශයේ ජනතාව සතු ඉඩම් ඔවුන් බියගන්වා අඩු මිලට ගෙන ගොඩකර අලෙවිකිරීමේ හා කප්පම් ලබාගැනීමේ සිද්ධීන් රැසක් වාර්තාවීම හේතුවෙනුයි මෙම ඒකකය පිහිටුවා ඇත්තේ. පෑලියගොඩ පිහිටි බස් නාහිර පළාත් උතුර භාර නියෝජ්‍ය පොලිස්පති කාර්යාලයේ මෙය පිහිටුවා තිබෙනවා.

The post කොස්ගොඩ රංවල පාලම යටින් ගිනි අවි සහ ගිනි අවි කොටස් කිහිපයක් හමු වෙයි appeared first on ITN News.

2020 නව වසර පිළිගැනීමේ සැමරුම් උත්සව නැවැත්වීමට ඔස්ටෙ‍්‍රිලියාව තීරණය කර තිබෙනවා.

ඒ සති කිහිපයක් පුරා ඔස්ටෙ‍්‍රිලියාව ආශ‍්‍රිතව පවතින ලැව්ගිනි හේතුවෙන්. ඒ අනුව සියලු ගිනිකෙලි සංදර්ශන තහනම් කරන ලෙසටයි ඔස්ටෙ‍්‍රිලියා බලධාරින් දැනුම් දුන්නේ. පවතින ලැවිගිනි හේතුවෙන් බොහෝ පිරිසක් මේවන විටත් රැදී සිටින්නේ ආරක්ෂිත ස්ථානවල.

මේ අතර නිව් සවුත්වේල්ස් සහ වික්ටෝරියා ප‍්‍රාන්තවලට ලැව්ගිනි ව්‍යප්තවී ඇති බවයි ඔස්ටෙ‍්‍රිලියා වාර්තා සදහන් කළා. එහි සංචාරක නිකේතන නගරයක් වන මැලකුටා වෙරල තීරයේ දහස් ගණනක් කොටුවී සිටින බවයි එම වාර්තාවල දැක්වෙන්නේ.

The post ඔස්ටෙ‍්‍රිලියාව නව වසරේ සැමරුම් උත්සව තහනම් කරයි appeared first on ITN News.

වන්නි දිස්ත්‍රික් ශ්‍රී ලංකා නිදහස් පක්ෂ පාර්ලිමේන්තු මන්ත්‍රී කාදර් මස්තාන් මහතාගේ රථ පෙළට මැර ප්‍රහාරයක් එල්ලවී තිබෙනවා.

වව්නියාව උලුක්කුලම ප්‍රදේශයේ වැඩසටහනකට සහභාගිවී යළි පැමිණෙමින් සිටියදීයි මෙම ප්‍රහාරය එල්ලවී ඇත්තේ. කඩු පොලු රැගෙන පැමිණි පිරිසක් මග හරස්කර මන්ත්‍රීවරයාගේ රථ පෙළට පහරදීමට උත්සාහ කිරීමේ දී එය වැළැක්වීමට ගිය මන්ත්‍රී ආරක්ෂකයෙකු ද තුවාල ලබා තිබෙනවා. ඔහු වව්නියාව රෝහලට ඇතුළත් කෙරුණා. මේ සම්බන්ධයෙන් පොලීසියට පැමිණිල කිරීමත් සමග පොලීසිය පැමිණෙමින් සිටියදී මැර පිරිස පළාගිය බවයි කාදර් මස්තාන් මන්ත්‍රීවරයා සඳහන් කළේ.

The post නිදහස් පක්ෂ පාර්ලිමේන්තු මන්ත්‍රී කාදර් මස්තාන්ගේ රථ පෙළට මැර ප්‍රහාරයක් appeared first on ITN News.

විදුලිසැර වැදීමෙන් තුන්දෙනෙකු මියගිය පුවතක් වාර්තා වුණේ ඊයේ දිනයේදීයි. විදුලිසැර වද්දවා වන අලින් දෙදෙනෙකු ඝාතනය කර ඇති පුවතක් හොරොව්පොතාන ප්‍රදේශයෙන් වාර්තා වනවා. මේ අතර වන අලි පහරදීමකින් සත්දරු පියෙකු ජීවිතක්ෂයට පත්ව තිබෙනවා.

ෙහොරොව්පොතාන දෙමටවැව, වස්සල්ලාගම ගම්මානයේ ගෙවත්තක අදින ලද විදුලි රැහැනක ගැටීමෙනුයි වන අලින් දෙදෙනා මියගොස් තිබුණේ. නිවෙස් හිමියා වන අලි උවදුරෙන් මිදීම සඳහා මෙම විදුලි රැහැන් ඇද තිබෙනවා. හොරොව්පොතාන පොලීසිය මගින් වැඩිදුර පරීක්ෂණ සිදුකරනවා.

මේ අතර මැදිරිගිරිය නව නගරය ගැමුණුපුර ගම්මානයේ පදිංචි කරුවෙකු වන අලි පහරදීමකින් මියගියා. ඔහුගේ නිවස ඉදිරිපිටදීයි වන අලින් පහරදී ඇත්තේ. අද අලුයම සිදුවූ මෙම අනතුරෙන් මියගියේ 69 හැවිරිදි සත්දරු පියෙක්. මීට මාස තුනකට පෙරද මෙම ගම්මානයේ අයෙකු මේ අයුරින් වන අලි පහරදීමකින් මියගිය බව ප්‍රදේශවාසීන් පවසනවා.

The post විදුලිසැර වද්දවා වන අලින් දෙදෙනෙකු ඝාතනය කෙරේ appeared first on ITN News.

එක්සත් ජාතික පක්ෂ මින්නේරිය ආසන සංවිධායක චන්ද්‍රසිරි සූරියආරච්චි රක්ෂිත බන්ධනාගාරගත කර තිබෙනවා. ඒ ලබන මස 7 වනදා තෙක්.

පොළොන්නරුව මහේස්ත‍්‍රාත් අධිකරණයයි නියෝගය ලබාදුන්නේ. අවි පෙන්වා පුද්ගලයන්ට බලපෑම් කිරීම සහ වාහන 4 කට අලාභ හානි කිරීමේ චෝදනා සම්බන්ධයෙනුයි පොලීසිය ඔහුව අත්අඩංගුවට ගත්තේ.

The post එජාප මින්නේරිය ආසන සංවිධායක රක්ෂිත බන්ධනාගාරයට appeared first on ITN News.

පාර්ලිමේන්තු මන්තී‍්‍ර පාඨලී චම්පික රණවක මහතා අත්අඩංගුවට ගැනීම නිත්‍යානුකූලව සිදුව ඇති බව වැඩබලන පොලිස්පති සී ඩී වික‍්‍රමරත්න මහතා ජාතික පොලිස් කොමිසමට දැනුම් දුන්නා.

පාර්ලිමේන්තු මන්තී‍්‍රවරයෙකු අත්අඩංගුවට ගැනීමේදී අනුගමනය කරන ක‍්‍රමවේදය යටතේ එම කි‍්‍රයාවලිය සිදුවූ බවයි වැඩබලන පොලිස්පතිවරයා සඳහන් කර තිබෙන්නේ. එම අත්අඩංගුවට ගැනීම නියමිත ක‍්‍රමවේදයක් යටතේ සිදුව නොමැති බව දක්වමින් නියෝජ්‍ය කථානායක ආනන්ද කුමාරසිරි මහතා ජාතික පොලිස් කොමිසමට ලිපියක් යොමුකර තිබුණා. ඒ අනුවයි පොලිස් කොමිසම වැඩබලන පොලිස්පතිවරයාගෙන් වර්තාවක් කැඳවීමට පියවර ගත්තේ. එම අත්අඩංගුවට ගැනීමේ කි‍්‍රයාවලිය සම්බන්ධයෙන් වැඩබලන පොලිස්පති සී ඩී වික‍්‍රමරත්න මහතා කථානායකවරයා ද දැනුවත් කර තිබෙනවා.

The post පාඨලී අත්අඩංගුවට ගැනීම නීත්‍යානුකූලව බව වැඩබලන පොලිස්පති කියයි appeared first on ITN News.

ලස්සන රටක් නිර්මාණය කිරීමේ අරමුණ සහිතව ආරම්භ කෙරුණු වැඩසටහන් දිවයින පුරා සාර්ථකව ක්‍රියාත්මක කෙරෙනවා.

සෞභාග්‍යයේ දැක්ම රට ගොඩනැගීමේ වැඩපිළිවෙලට අනුව ශ්‍රී ලංකාවේ වන ගනත්වය ඉහළ නැංවීම අරමුණින් හැදෙන රටට වැඩෙන ගසක් ජාතික රුක්රෝපණ වැඩසටහන ක්‍රියාත්මක කෙරෙනවා. අනිද්දා සිට සතියක කාලයක් ජාතික රුක්රෝපණ සතිය ලෙස නම්කර ඇති අතර එහි සමාරම්භක උත්සවය ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් අනුරාධපුර මහමෙවුනා අසපුවේදී පැවැත්වීමට නියමිතයි. ඊට සමගාමීව ශ්‍රී ලංකා මහවැලි අධිකාරිය ද වැඩසටහන් රැසක් ක්‍රියාත්මක කිරීමට කටයුතු යොදා තිබෙනවා. රුක්රෝපණ වැඩසටහන තුළදී පැල ලක්ෂ පහක් රෝපණය කිරීම අපේක්ෂාවයි.

වෙරළතීරය පිරිසිදු කිරීමේ වැඩසටහන්ද ලස්ස රටක් නිර්මාණය කිරීමේ ව්‍යාපෘතිය යටතේ ක්‍රියාත්මකයි. ඒ අනුව හික්කඩුව වෙරළතීරය පවිත්‍ර කිරීම හික්කඩුව නගර සභාව සහ පොලීසිය එක්ව සිදුකෙරුණා. හික්කඩුවේ සිට තිරානගම දක්වා වෙරළතීරය පිරිසිදු කිරීමට බොහෝ පිරිසක් එක්ව සිටියා.

කළුතර නගරයට ආසන්නව පිහිටි දක්ෂිණ අධිවේගී මාර්ගයේ කැරෑකැටිය පාලම සහිත තාප්පය සිතුවම් කිරීමට පාසල් දරුවන් එක්ව සිටිනවා. අඩි 84 ක දිගින් යුතු තාප්පකුයි සිතුවම් කිරීම ආරම්භකර තිබෙන්නේ.

The post ජාතික රුක්රෝපණ සතිය වෙනුවෙන් වැඩසටහන් රැසක් appeared first on ITN News.

වෙළඳපොලේ ඇති ඝණ ආහාරවල සීනි, මේදය සහ ලවණ අඩංගු ප්‍රමාණය ප්‍රදර්ශනය කිරීම සඳහා 2020 වසරේ දී නව නීතියක් සම්පාදනය කර ඇතැයි ද එය එළඹෙන ජනවාරි පළමුවැනිදා සිට ක්‍රියාත්මක වන බවද පාරිසරික සහ වෘත්තීය සෞඛ්‍ය පිළිබඳ නියෝජ්‍ය අධ්‍යක්ෂ ජනරාල් වෛද්‍ය ලක්ෂ්මන් ගම්ලත් මහතා ප්‍රකාශ කරයි.

සෞඛ්‍ය ප්‍රවර්ධන කාර්යංශයේ ශ්‍රවණාගාරයේ පැවති මාධ්‍ය හමුවක දී නියෝජ්‍ය අධ්‍යක්ෂ ජනරාල් වෛද්‍ය ලක්ෂ්මන් ගම්ලත් මහතා මේ බව ප්‍රකාශ කළේය.

වැඩිදුරටත් අදහස් දක්වමින් නියෝජ්‍ය අධ්‍යක්ෂ ජනරාල්වරයා පැවසුවේ, 2016 වසරේ සිට පානවර්ග සඳහා දැනටමත් ක්‍රියාත්මක කොළ, කහ සහ රතු වර්ණ යෙදීම ම මෙම නව නීතියේ දී ඝණ ආහාර ද්‍රව්‍ය සඳහා ද නිර්නායකය ලෙස යොදාගන්නා බවයි.

The post ඝණ ආහාරවල සීනි, මේදය සහ ලවණ අඩංගු ප්‍රමාණය ප්‍රදර්ශනය කිරීමට නව නීතියක් appeared first on ITN News.

දිවයින පුරා වැසි රහිත කාලගුණ තත්වයක් පවතින බව කාලගුණ විද්‍යා දෙපාර්තමේන්තුව සඳහන් කළා.

නැගෙනහිර පළාතේ වැසි ස්වල්පයක් හටගැනීමේ හැකියාවක් පවතිනවා. මුහුදු ප‍්‍රදේශවල සුළං හමා යන්නේ ඊසාන දෙසින්. මන්නාරම සිට පුත්තලම හරහා කොළඹ දක්වා වන මුහුදු ප‍්‍රදේශවල සුළගේ වේගය පැයට කිලෝමීටර 40 දක්වා ඉහළ යාහැකි බවයි කාලගුණ විද්‍යා දෙපාර්තමේන්තුව පවසන්නේ.

The post දිවයින පුරා වැසි රහිත කාලගුණ තත්වයක් appeared first on ITN News.

රුපියල් ලක්ෂ 60 කට අධික වටිනාකමකින් යුත් රත්‍රං ඇතුළු භාණ්ඩ සොරකම් කළ පුද්ගලයෙකු කළුතර දී අත්අඩංගුවට ගැණුනා.

කළුතර දිසා අපරාධ ඒකකයට ලැබුණු තොරතුරකට අනුවයි මෙම පුද්ගලයා අත්අඩංගුවට ගැණුනේ. කළුතර නගරය, පළාතොට, පාරවිල ඇතුළු ප්‍රදේශ රැසක රාත්‍රී කාලයේ සැරිසරමින් රත්‍රං, ඉලෙක්ට්‍රොනික උපකරණ, මුදල් ඇතුළු සොරකම් රැසක් මෙම පුද්ගලයා සිදු කර ඇති බවට හෙළිව තිබෙනවා. සොරකම් කළ රුපියල් ලක්ෂ 25 ක් වටිනා චෙක්පතක් බැංකුවකින් මාරුකරන අවස්ථාවේයි සැකකරු අත්අඩංගුවට ගැණුනේ. මත්ද්‍රව්‍ය භාවිතයට මොහු දැඩි ලෙස ඇබ්බැහිවී ඇති බවට හෙළිවුණා.

The post රත්‍රං ඇතුළු භාණ්ඩ රැසක් සොරකම් කළ පුද්ගලයෙකු කළුතර දී අත්අඩංගුවට appeared first on ITN News.

පාස්කු ඉරිදා ප්‍රහාරයට අදාළව හිටපු අමාත්‍ය රිෂාඩ් බදියුදීන් මහතා අපරාධ පරීක්ෂණ දෙපාර්තමේන්තුව හමුවේ අද ප්‍රකාශයක් ලබාදුන්නා.

අද උදෑසන දහයට පමණ රිෂාඩ් බදියුදීන් මහතා අපරාධ පරීක්ෂණ දෙපාර්තමේන්තුවට පැමිණියා. ඒ අධිකරණය ලබාදුන් නියෝගයකට අනුවයි. පැය තුනයි විනාඩි විස්සක පමණ කාලයක් අපරාධ පරීක්ෂණ දෙපාර්තමේන්තුව හමුවේ ඔහු ප්‍රකාශයක් ලබාදී තිබෙනවා. අනතුරුව හිටපු අමාත්‍යවරයා පස්වරු එකයි විස්සට පමණ ඉන් පිටව ගොස් තිබෙනවා.

The post පාස්කු ගැන බදියුදීන්ගෙන් රහස් පොලීසිය ප්‍රශ්න කරයි appeared first on ITN News.

උතුරු පළාත් ආණ්ඩුකාර ධුරයට පී එස් එම් චාල්ස් මහත්මිය පත්කර තිබෙනවා.

පී එස් එම් චාල්ස් මහත්මිය ජනාධිපති ගෝඨාභය රාජපක්‍ෂ මැතිතුමා ඉදිරියේ ජනාධිපති කාර්යාලයේදී දිවුරුම් දුන්නා. ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරිනියක වන පී එස් එම් චාල්ස් මහත්මිය සෞඛ්‍ය හා දේශීය වෛද්‍ය අමාත්‍යාංශයේ ලේකම්වරිය ලෙස කටයුතු කළා. එමෙන්ම ශ්‍රී ලංකා රේගු දෙපාර්තමේන්තුවේ අධ්‍යක්‍ෂ ජනරාල්වරිය ලෙස ද ඇය කටයුතු කර තිබෙනවා. පී එස් එම් චාල්ස් මහත්මිය මඩකලපුව හා වව්නියා දිස්ත්‍රික් ලේකම්වරිය ලෙස ද දීර්ඝ කාලයක් සේවය කළා.

මේ අතර භූවිද්‍යා සමික්‍ෂණ හා පතල් කාර්යාංශයේ නව සභාපති ලෙස පත් කෙරුණු ඉංජිනේරු අනුර වල්පොළ මහතා සිය ධුරයේ රාජකාරි ආරම්භ කළා. ඒ භූවිද්‍යා සමීක්‍ෂණ හා පතල් කාර්යාංශයේ ප්‍රධාන කාර්යාලයේදීයි. කෝට්ටේ රජමහා විහාරාධිපති පූජ්‍ය අලුත් නුවර අනුරුද්ධ ස්වාමීන්වහන්සේ ප්‍රමුඛ මහා සංඝරත්නය සෙත් පිරිත් සජ්ඣායනා කර ආශිර්වාදය පළ කළා.

The post උතුරු පළාත් ආණ්ඩුකාර ධුරයට පී එස් එම් චාල්ස් මහත්මිය පත් කෙරේ appeared first on ITN News.

බදු සහනවලින් ජනතාවට ලැබුණු ප්‍රතිලාභ ඇතුලු වත්මන් දේශපාලන තත්ත්වය පිළිබඳ මාධ්‍ය හමුවක් නෙළුම් මාවත පොදුජන පෙරමුණු කාර්යාලයේදී අද පැවැත්වුණා. ගාමිණී ලොකුගේ හා රෝහිත අබේගුණවර්ධන යන රාජ්‍ය අමාත්‍යවරුන් මෙහිදී අදහස් පළ කළා.

The post 3 න් 2 ක බලය ලබාගැනීම වෙනුවෙන් අපි කැපවෙනවා appeared first on ITN News.

පුද්ගල තොරතුරු එකම ජාතික දත්ත මධ්‍යස්ථානයක් යටතේ රැස් කිරීමට ජනාධිපති ගෝඨාභය රාජපක්‍ෂ මැතිතුමාගේ අවධානය යොමුවී තිබෙනවා.

ජාතික හැඳුනුම්පත්, රියදුරු බලපත්‍ර, ආගමන හා විගමන ලේඛන, උප්පැන්න හා මරණ ලියාපදිංචි කිරීම ඇතුලු සියලු පුද්ගල තොරතුරු මේ යටතේ එක් ජාතික දත්ත මධ්‍යස්ථානයකට රැස් කිරීමට නියමිතයි. එමගින් කාලය ශ්‍රමය හා මුදල් නාස්තිය අවම කර ගැනීම ජනාධිපතිතුමාගේ අරමුණයි. තොරතුරු හා සන්නිවේදන තාක්‍ෂණ අමාත්‍යාංශයේ ජ්‍යෙෂ්ඨ නිලධාරීන් පිරිසක් සමග ජනාධිපති කාර්යාලයේ අද පැවති සාකච්ඡාවකදීයි මේ පිළිබඳ අවධානය යොමුවුණේ. සාවද්‍ය හා වංචනික තොරතුරු සංසරණය වීම වළක්වා ගැනීමට ද මෙම පද්ධතිය මගින් ඉඩ සැලසෙන බව ජනාධිපතිතුමා කියාසිටියා. දෙපාර්තමේන්තු, අර්ධ රාජ්‍ය ආයතන මෙන්ම අමාත්‍යාංශ අතර සම්බන්ධතාව වර්ධනය වීම සංවර්ධන ක්‍රියාවලියේදී ඉතා වැදගත් වන බවයි ගෝඨාභය රාජපක්‍ෂ මැතිතුමා පෙන්වා දුන්නේ.

The post පුරවැසි තොරතුරු එකම තැනකට – ජනපතිගෙන් නව සංකල්පයක් appeared first on ITN News.

ඉරාන සහය ලබන සන්නද්ධ කණ්ඩායම් වලට එරෙහිව අඛණ්ඩව ප‍්‍රහාර එල්ල කරන බව ඇමරිකා ජනාධිපති ඩොනල්ඩ් ට‍්‍රම්ප් ප‍්‍රකාශ කළා.

ඉරාකයේ රැඳීසිටි එවැනි පිරිසකට ගුවන් ප‍්‍රහාර එල්ල කර තිබෙනවා. ඉන් පුද්ගලයන් 25 දෙනෙක් මියගියා. ඉරානයේ කි‍්‍රයාකාරකම් හේතුවෙන් ලෝක සාමයට තර්ජන එල්ලවී ඇති බවයි ඇමරිකාව පවසන්නේ.

The post ඉරාන සහය ලබන සන්නද්ධ කණ්ඩායම් වලට එරෙහිව අඛණ්ඩව ප‍්‍රහාර එල්ල කරන බව ට‍්‍රම්ප් කියයි appeared first on ITN News.

සෝමාලියාවට එල්ලවූ ප‍්‍රහාරයේ වගකීම අල්කයිඩා සංවිධානය භාරගෙන තිබෙනවා.

බෝම්බ ප‍්‍රහාරයෙන් පුද්ගලයන් 90 දෙනෙක් මියගියා. තවත් විශාල පිරිසක් තුවාල ලබා තිබෙනවා. වසර දෙකකට පසුව එරටට එල්ලවූ බරපතලම ප‍්‍රහාරය එය බවයි ජාත්‍යන්තර මාධ්‍ය සඳහන් කරන්නේ. හඬපටයක් නිකුත් කරමින් අල්කයිඩා ජාලය වගකීම භාරගෙන ඇති බවයි එරට වාර්තා සඳහන් කළේ.

The post සෝමාලියාවට එල්ලවූ ප‍්‍රහාරයේ වගකීම අල්කයිඩා සංවිධානය භාරගනී appeared first on ITN News.

ඉන්දීය සන්නද්ධ හමුදා සඳහා ප්‍රථම වරට ඒකාබද්ධ ආරක්ෂක මාණ්ඩලික ප්‍රධානියෙකු පත්කර තිබෙනවා.

ඉන්දීය අග්‍රාමාත්‍ය නරේන්ද්‍ර මෝදි ප්‍රථම ආරක්ෂක මාණ්ඩලික ප්‍රධානියා ලෙස මෙලෙස පත්කර ඇත්තේ එරට හමුදා ප්‍රධානියා වන ජෙනරාල් බිපින් රාවට්. ඒ අනුව ඉන්දීය යුද, නාවික හා ගුවන් හමුදාව සම්බන්ධයෙන් සෘජුව කටයුතු කරනු ඇත්තේ නව ආරක්ෂක මාණ්ඩලික ප්‍රධානියායි. ඔහු හමුදාපති ධුරයෙන් විශ්‍රාම ගැනීමෙන් අනතුරුවයි මෙලෙස ආරක්ෂක මාණ්ඩලික ප්‍රධානී තනතුරට පත්වන්නේ.

The post ඉන්දීය සන්නද්ධ හමුදා සඳහා ප්‍රථම වරට ඒකාබද්ධ ආරක්ෂක මාණ්ඩලික ප්‍රධානියෙක් appeared first on ITN News.

ඕස්ට්‍රේලියාවේ වෙරළ නගරයක් ආසන්නයට ලැව්ගිනි ව්‍යාප්තවීමත් සමග එහි සිටි දහස් ගණනක් ජනතාව මුහුදට ගොස් තිබෙනවා.

ඕස්ට්‍රේලියාවේ මාලකූටා ප්‍රදේශයේ ජනතාව මෙලෙස නිවාසවලින් පිටත්ව ගොස් ඇති බව සඳහන්. එම ප්‍රදේශය රත් පැහැ ගැන්වී ඇති බව එරට වාර්තා සඳහන් කළා. හාරදහසකට වැඩි පිරිසක් ලැව්ගිනි වලින් බේරීම සඳහා මෙලෙස මුහුදට ගොස් තිබෙනවා. එම ජනතාව බේරා ගැනීම සඳහා සහන කණ්ඩායම් මෙහෙයුම් ආරම්භ කර ඇති බවයි වාර්තා වන්නේ. සිඩ්නි සහ මෙල්බන් පසුගිය දිනවල පැවති ලැව්ගිනි අවදානම තවදුරටත් පවතින බව එරට කාලගුණ අංශ පවසනවා.

The post ඕස්ට්‍රේලියාවේ වෙරළ නගරයක ලැව්ගිනි ව්‍යාප්තවීමත් සමග දහස් ගණනක් ජනතාව මුහුද දෙසට යයි appeared first on ITN News.

රාජිත සේනාරත්න මහතාට එරෙහිව ඉදිරිපත් කර තිබූ පැමිණිලි කිහිපයක් සම්බන්ධයෙන් ප්‍රකාශ සටහන් කර ගැනීමට අල්ලස් හෝ දූෂණ චෝදනා විමර්ශන කොමිෂන් සභාවට රජයේ වෛද්‍ය නිලධාරීන්ගේ සංගමය අද කැඳවා තිබුණා.

එහිදී අදහස් දැක්වූ එම සංගමයේ ලේකම් වෛද්‍ය හරිත අලුත්ගේ මහතා.

The post රජයේ වෛද්‍ය නිලධාරීන්ගේ සංගමය අල්ලස් කොමිසමට යයි appeared first on ITN News.

දළදා කරඬුව වැඩම කරවීමේ හස්තීන්ගෙන් ජේ්‍යෂ්ඨතම හස්තියා වන නැඳුන්ගමුවේ රාජාගේ රුව සහිත සමරු මුද්දරයක් නිකුත් කිරීම අද සිදුවනවා.

නැඳුන්ගමුව ප‍්‍රදේශයේදී උත්සවාකාරයෙන් එය සිදුවන බවයි තැපැල් දෙපාර්තමේන්තුව සඳහන් කළේ. මෙවැනි හස්තියෙක් ඇගයීමට ලක් කිරීම අගය කරන බවයි නැඳුන්ගමුවේ රාජා හස්තියාගේ වර්තමාන හිමිකරු වන වෛද්‍ය හර්ෂ ධර්මවිජය සඳහන් කළේ.

නැඳුන්ගමුවේ රාජා හස්තියා තම නිවසට ගෙනවිත් වසර 41 ක් සම්පූර්ණ වන බවයි වෛද්‍ය හර්ෂ ධර්මවිජය මහතා වැඩිදුරටත් ප‍්‍රකාශ කළේ.

The post නැඳුන්ගමුවේ රාජාගේ රුව සහිත සමරු මුද්දරයක් appeared first on ITN News.

ශ්‍රී ලංකන් ගුවන් සේවය පාඩු අවම කර ගනිමින් ලාභ ලබන තත්ත්වයට ගෙන ඒම රජයේ අරමුණ බව අමාත්‍ය ප්‍රසන්න රණතුංග මහතා පවසනවා. කටුනායක ගුවන්තොටුපොළ පරිශ්‍රයේ නිරීක්‍ෂණ චාරිකාවකට එක්වීමෙන් අනතුරුව අමාත්‍යවරයා මේ බව ප්‍රකාශ කළා. ගුවන් සමාගමේ නිලධාරීන් හා වෘත්තීය සමිති නියෝජිතයන් සමග ද අමාත්‍යවරයා අදහස් හුවමාරු කර ගත්තා.

The post ශ්‍රී ලංකන් ගුවන් සේවය පාඩු අවම කර ගනිමින් ලාභ ලබන තත්ත්වයට ගෙන ඒම රජයේ අරමුණයි appeared first on ITN News.

උතුරු කොරියාවට ධනාත්මක හා ආක්‍රමණශීලී ආරක්ෂක ප්‍රතිපත්තියක් අවශ්‍ය බව උතුරු කොරියා නායක කිම් ජොන් උන් පවසනවා.

ඔහු මේ බව සදහන් කළේ පියොන් යැං හි පැවති පක්ෂ නායකයින්ගේ රැස්වීමකදීයි. රටේ ස්වෛරී භාවය හා ආරක්ෂාව සහතික කිරීම වෙනුවෙනුයි ඔහු මෙම ආරක්ෂක ප්‍රතිපත්තියේ අවශ්‍යතාව සදහන් කර ඇත්තේ. ඇමෙරිකාව සමග න්‍යෂ්ඨික හරණය පිළිබද සාකච්ඡා අවසන් කිරීමටත් ආයුධ අත්හදා බැලීම් නැවත ආරම්භ කිරීමටත් මෙහිදී අදහස් පළකර තිබෙනවා. කෙසේ වෙතත් උතුරු කොරියාව පසුගිය කාල සීමාව තුළදී සිදුකළ විවිධ න්‍යෂ්ඨික අත්හදා බැලීම නිසා බටහිර රටවල් මෙන්ම එක්සත් ජාතීන්ගේ සංවිධානය සම්බාධක රැසක් එරටට එරෙහිව පනවා තිබෙනවා.

The post උතුරු කොරියාවට ධනාත්මක හා ආක්‍රමණශීලී ආරක්ෂක ප්‍රතිපත්තියක් අවශ්‍යයි appeared first on ITN News.

ඕස්ට්‍රේලියාවේ වික්ටෝරියා ප්‍රාන්තයේ අධික උෂ්ණත්වය හා තද සුළං හේතුවෙන් දහස් ගණනක් ජනතාව එම ප්‍රදේශයෙන් ඉවත්කර තිබෙනවා.

සංචාරකයින් සහ ප්‍රදේශවාසීන් තිස් දහසකට අධික පිරිසක් නැගෙනහිර ගිව්ස්ලන්ඩ් ප්‍රදේශය වෙත යොමුකර තිබෙනවා. සෑම ප්‍රාන්තයකම උෂ්ණත්වය සෙල්සියල් අංශක 40 ඉක්මවා ඇති බව සඳහන්. පසුගිය සැප්තැම්බර් මාසයේ සිට ඕස්ට්‍රේලියාවේ හටගත් ලැව්ගිනි හේතුවෙන් පුද්ගලයින් 9 දෙනෙකු ජීවිතක්ෂයට පත්වුණා. දකුණු ඕස්ට්‍රේලියාව නිව් සවුත්වෙල්ස් සහ ටැස්මේනියා සඳහා හදිසි අනතුරු ඇඟවීම් නිකුත් කර තිබෙනවා.

The post වික්ටෝරියා ප්‍රාන්තයේ දහස් ගණනක් ජනතාව එම ප්‍රදේශයෙන් ඉවත් කෙරේ appeared first on ITN News.

ධීවර කර්මාන්තයට නව තාක්ෂණය හදුන්වාදීමට රජය සැලසුම් කර තිබෙනවා. මත්ස්‍ය ගහණය වැඩි ස්ථාන හඳුනා ගැනීම සඳහා ඩ්‍රෝණ කැමරා යොදාගන්නා බවයි ධීවර රාජ්‍ය අමාත්‍ය සනත් නිශාන්ත මහතා ප‍්‍රකාශ කළේ.

ඉදිරි මාස දෙකේදී මෙම නව තාක්ෂණය හඳුන්වාදෙන බවයි රාජ්‍ය අමාත්‍ය සනත් නිශාන්ත මහතා සඳහන් කළේ.

The post ධීවර කර්මාන්තයටත් ඩ්‍රෝණ තාක්ෂණය appeared first on ITN News.

යේමනයේ දකුණු දිග ප්‍රදේශයේ හමුදා ළෙපාලියක් අතර සිදු වූ මිසයිල ප්‍රහාරයකින් ප්‍රද්ගලයින් පස් දෙනෙකු ජීවිතක්ෂයට පත්ව අට දෙනෙකු තුවාල ලබා තිබෙනවා.

යේමනයේ අල්ඩාලියා නගරයේ ආරක්ෂක විද්‍යාලයක උපාධි ප්‍රදානෝත්සවයක් අවසානයේයි මෙම හමුදා පෙළපාලිය පවත්වා තිබෙන්නේ. එය ඉලක්ක කරගෙන මෙම ප්‍රහාරය එල්ලකර ඇති බවයි සදහන් වන්නේ. යේමන ආරක්ෂක අංශ සදහන් කරන්නේ මෙම ප්‍රහාරය හූති සටන්කාමීන් එල්ලකළ බවයි. කෙසේ වෙතත් ඔවුන් ප්‍රහාරයේ වගකීම මෙතෙක් භාරගෙන නැහැ.

The post යේමනයේ හමුදා ළෙපාලියක් අතර සිදු වූ මිසයිල ප්‍රහාරයකින් 5 දෙනෙකු ජීවිතක්ෂයට appeared first on ITN News.

අපරාධ පරික්‍ෂණ දෙපාර්තමේන්තුව මගින් අත්අඩංගුවට ගෙන අධිකරණයට ඉදිරිපත් කිරීමෙන් පසු රක්‍ෂිත බන්ධනාගාරගත කෙරුණු ගානියා බැනිස්ටර් ෆ්‍රැන්සිස් කොළඹ මහේස්ත්‍රාත් අධිකරණය වෙත අද රැගෙන ආවා.

ස්විස් තානාපති කාර්යාලයේ සේවිකාවක වන ගානියා බැනිස්ටර් ෆ්‍රැන්සිස් අත්අඩංගුවට ගැනුණේ රජය අපකීර්තියට පත් කරන අයුරින් සාවද්‍ය ප්‍රකාශ නිකුත් කිරීම හා සාක්‍ෂි ඉදිරිපත් කිරීම යන චෝදනා යටතේයි. යම් පිරිසක් තමා පැහැර ගෙන ගොස් ප්‍රශ්න කළ බව හා ලිංගික අපයෝජනයට ලක් කළ බවට ආන්දෝලනාත්මක ප්‍රකාශයක් සිදු කිරීමත් සමග ඒ පිළිබඳ කඩිනමින් පරික්‍ෂණ ආරම්භ කෙරුණා. ඒ අනුව සිදු කළ ප්‍රශ්න කිරීම් හමුවේ ඇය ලබා දුන් පිළිතුරු පරස්පර වීම හේතුවෙන් වැඩිදුරටත් පරික්‍ෂණ ක්‍රියාත්මක කෙරුණා. මේ අතර ස්විට්සර්ලන්ත තානාපතිවරයාගේ නිල නිවසේදී ඇයගෙන් ප්‍රකාශ සටහන් කර ගන්නා ලෙස ඇය වෙනුවෙන් පෙනී සිටි නීතිඥවරයා කළ ඉල්ලීම ද අධිකරණය ප්‍රතික්ෂේප කළා. අත්අඩංගුවට ගෙන අධිකරණයට ඉදිරිපත් කළ ඇය රක්‍ෂිත බන්ධනාගාරගත කෙරුණා. රක්‍ෂිත බන්ධනාගාරගත කිරීමෙන් පසුව ඇය විශේෂඥ මනෝ වෛද්‍ය මණ්ඩලයක් හමුවට ද  ඉදිරිපත් කෙරුණා.

The post ගානියා අධිකරණයට රැගෙන එයි appeared first on ITN News.

වර්තමානයේදී රටේ පාලන කටයුතු නිවැරදි අයුරින් සිදුවෙමින් පවතින බව ශ්‍රී ලංකා ක්‍රිකට් කණ්ඩායමේ හිටපු නායක ටී එම් ඩිල්ෂාන් පවසනවා. නවක පරපුර ද තම ජවය වැඩිවශයෙන් රට වෙනුවෙන් ලබා දෙමින් සිටින බවයි කලුතර ප්‍රදේශයේදී මාධ්‍ය වෙත අදහස් දක්වමින් ඔහු වැඩිදුරටත් ප්‍රකාශ කළේ.

The post වර්තමානයේදී රටේ පාලන කටයුතු නිවැරදි අයුරින් සිදුවෙනවා appeared first on ITN News.

උතුරු මැද පළාතේ සෑම පුද්ගලයන් අට දෙනෙකුගෙන් එක් අයෙකු මන්දපෝෂණයෙන් පෙළෙන බව එම පළාත් ආණ්ඩුකාර මහාචාර්ය තිස්ස විතාරණ මහතා පවසනවා. ITN හත්වෙනි පැය වැඩසටහනට එක්වෙමිනුයි ඒ මහතා මේ බව ප්‍රකාශ කළේ.

The post උතුරු මැද පළාතේ සෑම පුද්ගලයන් අට දෙනෙකුගෙන් එක් අයෙකුට මන්දපෝෂණය appeared first on ITN News.