හොරණ කොට්ටාව මාර්ගයේ බෙරුකැටිය ප්‍රදේශයේ සිදු වූ අනතුරකින් පුද්ගලයෙකු ජීවිතක්ෂයට පත් වුණා.
බස් රථයක් සහ ලොරි රථයක් ගැටීමෙනුයි අනතුර සිදුව තිබෙන්නේ. මහරගම සිට මොරගහහේන දක්වා ධාවනය වූ පෞද්ගලික බස් රථයක පිටුපසින් වේගයෙන් පැමිණි ලොරි රථයක් ගැටීමෙන් අනතුර සිදුව ඇති බවයි පොලීසිය ප්‍රකාශ කළේ. අනතුරින් ජීවිතක්ෂයට පත් වුණේ 28 හැවිරිදි ලොරි රථයේ සහායට පැමිණි පුද්ගලයායි. බරපතල තුවාල ලැබූ ලොරි රථයේ රියදුරු අවිස්සාවේල්ල රෝහලට ඇතුළත් කෙරුණා. ඔහු මේ වන විටත් දැඩි සත්කාර ඒකකයේ ප්‍රතිකාර ලබන බව රෝහල් වාර්තා සඳහන් කළා. ලොරි රථයේ රියදුරුට වේගය පාලනය කර ගත නොහැකි වීමෙන් අනතුර සිදුව ඇති බව මීගොඩ පොලීසිය ප්‍රකාශ කළා.
The post හොරණ කොට්ටාව මාර්ගයේ සිදු වූ අනතුරකින් පුද්ගලයෙකු ජීවිතක්ෂයට appeared first on ITN News.
Post a Comment