කොළඹ අපරාධ කොට්ඨාසය ගල්කිස්ස ප්‍රදේශයේ කළ මෙහෙයුමකදී පාකිස්ථානයේ නිෂ්පාදිත නවීන වර්ගයේ පිස්තෝල හතරක් සහ මැගසීන් අටක් සොයා ගෙන තිබෙනවා. අත්තිඩිය ඉදිගහදෙණිය පාර වගුරුබිමක තිබියදීයි මේවා සොයා ගැනුණේ.
පිස්තෝල සහ මැගසින් රෙදිවලින් ආවරණය කර සඟවා තිබියදී පොලීසිය සොයා ගත්තා. පොලිස් සුනඛයින් යොදා අවට ප්‍රදේශයේ සෝදිසි මෙහෙයුමක්ද සිදු කෙරුණා. පසුගියදා අත්අඩංගුවට ගත් පොලිස් මත්ද්‍රව්‍ය නාශක අංශයේ පොලිස් පරික්ෂකවරයෙකු සතුව මෙම ගිනි අවියට සමාන ගිනි අවියක් තිබී අත්අඩංගුවට ගත් බවයි වාර්තා වුණේ. එහිදී සිදුකළ පරික්ෂණවලදී හෙළිවුනේ එවැනිම තවත් ගිනි අවි 4 ක් මත්ද්‍රව්‍ය ජාවාරම්කරුවෙකු වන බඩෝවිට ලොකූ නොහොත් රාජිත නමැත්තා ළග තිබූ බවටයි. බස්නාහිර පළාත් භාර ජ්‍යෙෂ්ඨ නියේජ්‍ය පොලිස්පති දේශබන්දු තෙන්නකෝන් මහතාගේ උපදෙස් මත මෙම මෙහෙයුම සිදු කෙරුණා.
The post අත්තිඩියේ වගුරු බිමකින් පිස්තෝල 4ක් සහ මැගසීන් අටක් හමු වෙයි appeared first on ITN News.
Post a Comment