පාසල් සිසුන් ඉලක්ක කරගනිමින් මාවා නමැති මත්ද්‍රව්‍ය අලෙවි කළ පුද්ගලයෙකු ග්‍රෑන්පාස් ප්‍ර දේශයේ දී අත්අඩංගුවට ගෙන තිබෙනවා. ඒ මාවා කිලෝග්‍රෑම් 4ක් ද සමඟයි. බස්නාහිර පළාත් බුද්ධි කොට්ඨාසයට ලැබුණු තොරතුරක් මත ග්‍රෑන්පාස් පොලිසිය වැටලීම සිදුකළා.
රත්ගම දේවිනිගොඩ ප්‍රදේශයේ මුහුදු වෙරළ ආසන්නයේ වළදමා තිබූ ටී 56 ජීව උණ්ඩ 39ක් සොයා ගෙන තිබෙනවා. රත්ගම පොලිස් විශේෂ කාර්ය බලකා කඳවුරට ලැබුණු තොරතුරකට අනුවයි මෙම ජීව උණ්ඩ සොයාගෙන ඇත්තේ. ඒවා ප්ලාස්ටික් බටයක අසුරා වල දමා තිබුණා.
මේ අතර බෙලිඅත්ත කොස්ගහගොඩ ප්‍රදේශයේ නිවසක සඟවා තිබූ බෝර 12 පතරොම් යොදන ගල්කටස් වර්ගයේ ගිනි අවි දෙකක් සහ ජීව පතරොමක් සමඟ සැකකරුවෙකු අත්අඩංගුවට ගෙන තිබෙනවා. බෙලිඅත්ත පොලිසියට අනුයුක්ත කොට්ඨාස බුද්ධි අංශ නිලධාරීන්ට ලැබුණු තොරතුරකට අනුවයි වැටලීම සිදුකළේ.
The post පාසල් සිසුන් ඉලක්ක කරගනිමින් මත්ද්‍රව්‍ය අලෙවි කළ පුද්ගලයෙකු අත්අඩංගුවට appeared first on ITN News.
Post a Comment