කුරුණෑගල කොබෙයිගනේ ප්‍රදේශයේදී ඊයේ රාත්‍රියේ ටිපර් රථයකින් පොලිස් නිලධාරීයෙකු යට කර පලා ගිය රියදුරු අත්අඩංගුවට ගෙන තිබෙනවා.
පොලිස් අණ නොතකමින් මෙම ටිපර් රථය ධාවනය වී ඇති බවයි පොලීසිය සදහන් කළේ. ටිපර් රථයට යට වූ 32 හැවිරිදි රස්නායකපුර ප්‍රදේශයේ පදිංචි පොලිස් කොස්තාපල්වරයකු මිය ගියා. අනතුර සිදු කළ ටිපර් රථ රියදුරා එම ස්ථානයෙන් පලාගොස් තිබෙන අතර පොලිසිය සිදු කළ මෙහෙයුම්වලදී අද පෙරවරුවේ ඔහු අත්අඩංගුවට ගැනීමට හැකි වුණා. ටිපර් රථ රියදුරා 27 හැවිරිදි පුද්ගලයකු බවයි අප වාර්තාකරුවන් පවසන්නේ. දැදුරු ඔය ආශ්‍රිතය සිදු වන වැලි ජාවාරමක් පිළිබද සොයා බැලීමේ මෙහෙයුමක මිය ගිය පොලිස් කොස්තාපල්වරයා නිරතව සිටි බව පොලීසිය සදහන් කළා.
The post වැලි ජාවාරම අල්ලන්න ගිය පොලිස් කොස්තාපල් මරා දැමූ ටිපර් රියදුරා අත්අඩංගුවට appeared first on ITN News.
Post a Comment