හලාවත කොළඹ ප්‍රධාන මාර්ගයේ පම්බල ප්‍රදේශයේදී සිදු වූ රිය අනතුරකින් පුද්ගලයෙකු ජීවිතක්ෂයට පත් වුණා.
මගී ප්‍රවාහන පෞද්ගලික බස් රථයක් හා යතුරු පැදියක් එකිනෙක ගැටීමෙන් අනතුර සිදු වූ බව පොලීසිය පවසනවා. බස් රථය තවත් බස් රථයකට ඉස්සර කර යාමට උත්සාහ දැරීමේදී ඉදිරියෙන් පැමිණි යතුරු පැදියේ ගැටී ඇති බවයි මූලික පරීක්ෂණවලදී හෙළි වුණේ. අනතුරින් 36 හැවිරිදි යතුරුපැදිකරු ජීවිතක්ෂයට පත් වූ අතර කෝපයට පත් ප්‍රදේශවාසීන් රියදුරුට සහ බස් රථයට පහරදීමට උත්සාහ දැරුවා. එහිදී නොසන්සුන්තාවක්ද හට ගැනුණු අතර බස් රථයේ රියදුරා පොලිස් අත්අඩංගුවට ගෙන තිබෙනවා.
The post හලාවත කොළඹ ප්‍රධාන මාර්ගයේ රිය අනතුරකින් පුද්ගලයෙකු ජීවිතක්ෂයට appeared first on ITN News.
Post a Comment