ඇතිවන තත්ත්වයත් එක්ක යම් යම් ප්‍රදේශ ලොක් ඩවුන් කිරීමට සිදු වුනත් රටම ලොක් ඩවුන් කිරිමක් සිදුවන්වෙෙන්න්නේ නැති බව යුධ හමුදාපතිවරයා අවධාරණය කළා. මේ වෙන කොට දිස්ත්‍රික්ක 9 ක ග්‍රාම නිලධාරී කොට්ඨාස 30 කට සංචරණ සීමා පනවලා තියෙනවා.
කොවිඩ් 19 වෛරසයේ ප්‍රබල ව්‍යාප්තිය හේතුවෙන් ඇතැම් ග්‍රාම නිලධාරී වසම් 30 ක් හුදෙකලා කිරීමට කටයුතු කෙරුණා. ඒ අනුව මොණරාගල, අම්පාර, මාතලේ, ගාල්ල, පොළොන්නරුව, ගම්පහ, කළුතර, කුරුණෑගල හා ත්‍රිකුණාමලය යන දිස්ත්‍රික්කවලයි. කෙසේ වුවද අද උදෑසන සිට හුදෙකලා කෙරුණේ ත්‍රිකුණාමල දිස්ත්‍රික්කයේ උප්පුවේලි පොලිස් බල ප්‍රදේශයේ සුමේධංගපුර, ත්‍රිකුණාමල පොලිස් බල ප්‍රදේශයේ මඩ්කෝ හා කෝවිල්අඩි මෙන්ම ලිංගනගර් යන ග්‍රාම නිලධාරී වසම් මෙසේ හුදෙකලා කිරීමට පියවර ගනු ලැබුවා.
එමෙන්ම චීන වරාය පොලිස් බල ප්‍රදේශයේ කාවට්ටිකුඩා හා චයිනාබේ යන ග්‍රාම නිලධාරී වසම් ද මෙසේ අලුතින් හුදෙකලා කළ බවයි රජයේ ප්‍රවෘත්ති දෙපාර්තමේන්තුව නිවේදනය කළේ. ඇතිවන තත්ත්වය මත යම් යම් ස්ථාන හුදෙකලා කළද රටම හුදෙකලා කිරීමක් සිදුවන්නේ නැති බව යුධ හමුදාපති ජෙනරාල් ශවේන්ද්‍ර සිල්වා මහතා මාධ්‍ය ප්‍රධානීන් සමග පැවැති සාකච්ඡාවේදී අවධාරණය කළා.
The post දිස්ත්‍රික්ක 9ක ග්‍රාම නිලධාරී කොට්ඨාස 30කට සංචරණ සීමා appeared first on ITN News.
Post a Comment