මහ බැංකුවේ හිටපු අධිපති අර්ජුන් මහේන්ද්‍රන් සහ අජහාන් ගාර්දිය පුංචිහේවා යන විත්තිකරුවන් නොමැතිව මහ බැංකු බැදුම්කර නඩු විභාගය පවත්වාගෙන යාමට කොළඹ ත්‍රිපුද්ගල මහාධිකරණය පැමිණිල්ලට අද අවසර ලබාදුන්නා. ඒ ඔවුන් විදේශගතව සිටීම හේතුවෙනුයි.
හිටපු මුදල් අමාත්‍ය රවී කරුණානායක මහතා ඇතුළු විත්තිකරුවන්ට එරෙහිව මෙම නඩුව පවරා තිබෙන්නේ 2016 වසරේ මහ බැංකු බැදුම්කර වෙන්දේසියකදී රුපියල් බිලියන 15 ක් වටිනා බැදුම්කර සම්බන්ධයෙන් සාවධ්‍ය පරිහරණය කළ බවට චෝදනා එල්කරමිනුයි. පැමිණිල්ල වෙනුවෙන් රජයේ ජ්‍යෙෂ්ඨ නීතිඥ ලක්මිනී ගිරිහාගම මෙනවිය අධිකරණය හමුවේ කරුණු දක්වමින් පැවසුවේ අදාල විත්තිකරුවන් දෙදෙනා විදේශගතව සිටින බැවින් ඔවුන් නොමැතිව නඩු විභාගය පවත්වාගෙන යාමට අවසර දෙන ලෙසයි.
අනතුරුව අධිකරණයේ අවසරය මත සාක්ෂි සටහන්කර ගැනීම සිදුකෙරුණා. එහිදී ආගමන විගමන දෙපාර්තමේන්තුවේ පාලක වෙනුවෙන් පෙනීසිටි බලය ලත් නිලධාරී කැලුම් ප්‍රියන්ත මහතා කියාසිටියේ මහ බැංකු හිටපු අධිපති අර්ජුන් මහේන්ද්‍රන් 2014 ඔක්තෝබර් 13 වනදා දිවයිනෙන් පිටත්ව ගොස් ඇති බවයි.
The post අර්ජුන් මහේන්ද්‍රන් නැතත් බැඳුම්කර නඩුව පවත්වාගෙන යෑමට තීරණයක් appeared first on ITN News.
Post a Comment