මහනුවර ඉලුක්මෝදර ප්‍රදේශයෙන් මෝටර් රථයක් මහවැලි ගඟට ඇදවැටීමෙන් අතුරුදන්වූ පුද්ගලයාගේ සිරුර සහ මෝටර් රථය සොයාගැනීමට හැකිවුණා.
මහනුවර ගුරුදෙණිය මාර්ගයේ ඉලුක්මෝදර ප්‍රදේශයෙන් මෝටර් රථය මහවැලි ගඟට ඇදවැටුනේ අද උදෑසනයි. මෝටර් රථයේ තුන්දෙනෙකු ගමන් කළ අතර තුවාල ලැබූ දෙදෙනෙකු රෝහල් ගත කෙරුණා. අනෙක් පුද්ගලයා සහ මෝටර් රථය අතුරුදන්ව තිබුණා. නාවික හමුදාව , යුද හමුදාව මෙන්ම පොලීසියේ ජීවිත ආරක්ෂක ඒකක විශේෂ මෙහෙයුමේ දී එම පුද්ගලයාගේ සිරුර සහ මෝටර් රථය සොයා ගැනීමට හැකිවුණා. අනතුරෙන් මියගියේ ගුරුදෙණිය මාලිගාතැන්න ප්‍රදේශයේ පදිංචි 39 හැවිරිදි පුද්ගලයෙකුයි. මෝටර් රථයේ වේගය පාලනය කර ගැනීමට නොහැකිවීමෙන් අනතුරු සිදුව ඇති බවටයි පොලීසිය ප්‍රකාශ කළේ.
The post මහවැලි ගඟට වැටුණු මෝටර් රථයේ සිටි පුද්ගලයාගේ සිරුර සොයා ගැනේ appeared first on ITN News.
Post a Comment