ඝානා රාජ්‍යයේ සිදුවූ පිපිරීමකින් රන් ආකරයක සේවකයින් 13 දෙනෙකු ජීවිතක්ෂයට පත්ව තිබෙනවා.
බටහිර ඝානාවේ රන් ආකරයකට පුපුරණ ද්‍රව්‍ය රැගෙන යමින් සිටි ට්‍රක් රථයක් පුපුරා යාමෙනුයි මෙම පිරිස මියගොස් ඇත්තේ. පිපිරීමෙන් පුද්ගලයින් 180 දෙනෙකු පමණ තුවාල ලබා රෝහල් ගතකර ඇති බවයි පොලීසිය සඳහන් කරන්නේ. ගොඩනැගිලි රැසක් හා මහාමාර්ගයට ද බරපතල හානි සිදුව ඇති බව විදෙස් මාධ්‍ය සඳහන් කරනවා. පිපිරීම සිදුවූ ස්ථානයේ සිට මීටර් 20 ක් පමණ දුරින් පිහිටා ඇති ගොඩනැගිලිවලට පවා එහි බලපෑමෙන් හානි සිදුව තිබෙනවා. සිද්ධිය සම්බන්ධයෙන් පුළුල් විමර්ශනයක් ආරම්භකර ඇති අතර යතුරුපැදියක් ට්‍රක් රථයේ ගැටීම පිපිරීමට හේතුව බවටයි සැක කෙරෙන්නේ.
The post ඝානා රාජ්‍යයේ පිපිරීමකින් 13 දෙනෙකු ජීවිතක්ෂයට appeared first on ITN News.
Post a Comment