කොරෝනා වයිරස ආසාදිතයින් ලක්ෂ 21 කට අධික සංඛ්‍යාවක් ඊයේ දිනය තුළදී හමුවී ඇති බව ලෝක සෞඛ්‍ය සංවිධානය නිවේදනය කරනවා. එමෙන්ම වයිරසය හේතුවෙන් ගතවූ පැය 24 ට අහිමිවී ඇති ජීවිත සංඛ්‍යාව 4627ක්.
ඉන්දියාවෙන් දෛනිකව වාර්තාවන ආසාදිතයින් සංඛ්‍යාව යළිත් වරක් ඉහළ ගොස් තිබෙනවා. ඊයේ දිනයේ දී පමණක් එරටින් හමුවී ඇති ආසාදිතයින් සංඛ්‍යාව තුන්ලක්ෂ පන්දහසකට අධිකයි. එමෙන්ම ප්‍රංශයෙන් තුන්ලක්ෂ එක් දහසක් ද , ඇමෙරිකාවෙන් එක්ලක්ෂ අනූහත් දහසක් හා ඉතාලියෙන් එක්ලක්ෂ තිස්අට දහසක් ලෙස ආසාදිතයින් හමුව තිබෙනවා. ඒ සමඟම ලොව සමස්ත වයිරස ආසාදිතයින් සංඛ්‍යාව තිස්පන්කෝටි විසිලක්ෂයකට ආසන්න බවයි වාර්තා වන්නේ. සිදුව ඇති මරණ සංඛ්‍යාව 5,614,788ක්.
The post ඉන්දියාවේ දෛනික කොරෝනා ආසාදිතයින් සංඛ්‍යාව යළිත් වරක් ඉහළට appeared first on ITN News.
Post a Comment