ජම්පටා වීදිය ප්‍රදේශයේ ට්‍රැක්ටර් උපාංග සහ අමතර කොටස් ගබඩා කර තිබූ ස්ථානයක අද දහවල් ගින්නක් ඇති වුණා. එම ගබඩාව සම්පූර්ණයෙන් ගින්නෙන් විනාශවී ඇති බවයි වාර්තා වන්නේ.
ගින්න මේ වන විට මැඩපවත්වා ඇති බව අප වාර්තාකරුවන් සදහන් කළා. ගින්න හේතුවෙන් අසල නිවාස කිහිපයකට බලපෑම් ඇති වුණා. කෙසේ වෙතත් අවට නිවාස හා ආයතන වලට ගින්න පැතිරීම වළක්වා ගැනීමට ගිනි නිවන ඒකක සමත්වී තිබෙනවා.
කොළඹ ගිනි නිවන ඒකකය මෙන්ම ශ්‍රී ලංකා ගුවන් හමුදාවේ සහ වරාය අධිකාරියේ ගිනි නිවන ඒකක ද මෙම මෙහෙයුමට එක්වුණා. ගිනි නිවන රථ 11 ක් පමණ ඒ සදහා යොදා ගැනීමට සිදුවූ බවයි පොලීසිය පැවසුවේ. ගින්නට හේතුව මෙතෙක් අනාවරණය කරගෙන නැහැ.
The post කොළඹ ජම්පටාර් වීදියේ ගබඩාවක් තුළ ගින්නක් appeared first on ITN News.
Post a Comment