ලොව පුරා රටවලින් දෛනිකව වාර්තා වන කොරෝනා වයිරස ආසාදිතයින් හා මරණ සංඛ්‍යාව යළිත් වරක් ඉහළ ගොස් තිබෙනවා.
ගතවූ පැය 24ට ලොව පුරා රටවල් 224 කින් හමුව ඇති වයිරස ආසාදිතයින් සංඛ්‍යාව ලක්ෂ දහසය ඉක්මවා ගියා. සිදුව ඇති මරණ සංඛ්‍යාව 8,658 ක්. ඊයේ දිනයේදී වාර්තා වූ වැඩිම ආසාදිතයින් සංඛ්‍යාව වන 158,507 හමුව ඇත්තේ ජර්මනියෙන්. එමෙන්ම රුසියාවෙන් 135,000 ක් බ්‍රසීලයෙන් 101,000 ක් හා ප්‍රංශයෙන් 97,000 ක් ලෙස වයිරස ආසාදිතයින් හමුව තිබෙනවා. ගතවූ පැය 24ට වැඩිම මරණ ඇමෙරිකාවෙන් සිදුව ඇති අතර එම සංඛ්‍යාව 1,558ක්. ඒ සමඟම ලොව සමස්ත මරණ සංඛ්‍යාව 5,925,482ක් දක්වා ඉහළ ගියා. හමුව ඇති ආසාදිතයින් සංඛ්‍යාව හතලිස් දෙකෝටි අසූ දෙලක්ෂයකට ආසන්න බවයි වාර්තා වන්නේ.
The post ලොව පුරා දෛනික කොරෝනා ආසාදිතයින් හා මරණ සංඛ්‍යාව ඉහළට appeared first on ITN News.
Post a Comment