ලොව පුරා රටවලින් දෛනික වාර්තාවන කොරෝනා වයිරස ආසාදිතයින් හා මරණ සංඛ්‍යාව යළිත් වරක් ඉහළ ගොස් තිබෙනවා.
ගත වූ පැය 24 ට පමණක් රටවල් 228 කින් හමු වී ඇති සමස්ත වයිරස ආසාදිතයින් සංඛ්‍යාව අට ලක්ෂ විසි දහසකට අධිකයි.
සිදුවී ඇති මරණ සංඛ්‍යාව 1667 ක්. ඊයේ දිනයේදී වැඩිම වයිරස ආසාදිතයින් සංඛ්‍යාවක් හමුවී ඇත්තේ ජපානයෙන්.
එම සංඛ්‍යාව 154,000 කට අධිකයි. එමෙන්ම දකුණු කොරියාවෙන් 99,000 ක්, ඉතාලියෙන් හා ඇමෙරිකාවෙන් 88,000 බැගින් ද වයිරස ආසාදිතයින් හමුවී තිබෙනවා.
ඊයේ දිනයට සිදුව ඇති වැඩිම කොරෝනා මරණ සංඛ්‍යාව වන 350 වාර්තා වන්නේ බ්‍රසීලයෙන්. ඒ සමගම ලොව සමස්ත කොරෝනා මරණ සංඛ්‍යාව ලක්ෂ 64 ඉක්මවා ගියා.
The post ගත වූ පැය 24 ට කොවිඩ් ආසාදිතයින් අට ලක්ෂ විසි දහස ඉක්මවයි appeared first on ITN News.
Post a Comment