පොලිස් නිලධාරීන්ගේ රාජකාරියට බාධා කිරීම සම්බන්ධයෙන් සැකකරුවන් දෙදෙනෙකු අත්අඩංගුවට ගෙන තිබෙනවා.
පොල්ගහවෙල නගරයේ පිහිටි ඉන්ධන පිරවුම්හලේ රාජකාරියේ නිරත පොලිස් නිලධාරීන්ට බැන වැදී තර්ජනය කළ පුද්ගලයින් දෙදෙනෙකු මෙසේ අත්අඩංගුවට ගෙන තිබෙනවා.
බීමතින් සිටි ඔවුන් එක් නිලධාරියෙකුගේ නිල ඇදුමෙන් ඇද තල්ලු කිරීම හේතුවෙන් තුවාල ලැබූ එම නිලධාරියා පොල්ගහවෙල රෝහලට ඇතුළත් කර ඇති බවයි පොලිස් මාධ්‍ය කොට්ඨාසය සදහන් කළේ. සැකකරුවන් පොල්ගහවෙල ප්‍රදේශයේ පදිංචිකරුවන් වන අතර ඔවුන් පියා සහ පුතා බව පොලිස් පරික්ෂණවලදී හෙළි වුණා.
මේ අතර කදුලු වායු උණ්ඩ 05 ක් සමග සැකකරුවෙකු ඇතුල් කෝට්ටේ නිවසකදී අත්අඩංගුවට ගෙන තිබෙනවා. පසුගිය දා පොල්දූව මංසන්ධියේ විරෝධතාවක් අතරතුර පොලිස් ත්‍රීරෝද රථයක තිබූ කදුලු වායු උණ්ඩ විරෝධතාකරුවන් විසින් පැහැරගෙන ගොස් තිබුණා.
The post පොල්ගහවෙල පිරවුම්හලේ පොලිස් රාජකාරියට බාධා කළ දෙදෙනෙකු අත්අඩංගුවට appeared first on ITN News.
Post a Comment