ප්‍රදේශ කිහිපයක සිදුවූ වෙඩි තැබීම්වලින් පුද්ගලයින් කිහිප දෙනෙකු ජීවිතක්ෂයට පත්ව තිබෙනවා.
ලුණුගම්වෙහෙර පඩව්ගම ප්‍රදේශයේ සිදුවූ වෙඩි තැබීමකින් පුද්ගලයෙකු ජීවිතක්ෂයට පත්වුණා. වයස අවුරුදු 34 ක් වන මෙම පුද්ගලයා නිවසේ රාත්‍රී ආහාර ගනිමින් සිටියදී වෙඩි තැබීමට ලක්ව තිබෙනවා. පෞද්ගලික ආරවුලක් මත මියගිය පුද්ගලයාගේ නැගණියගේ ස්වාමිපුරුෂයා මෙම වෙඩි තැබීම සිදුකළ බවයි පොලීසිය කළ විමර්ශනවලදී හෙලිවුණේ. ***තිස්සමහාරාම අමිල***
මේ අතර අහංගම ගොවියාපාන ප්‍රදේශයේ අවන්හලක සිදුවූ වෙඩි තැබීමකින් එක් පුද්ගලයෙකු මියගොස් තවත් අයෙකු තුවාල ලැබුවා. වයස අවුරුදු 40 ක් වන මියගිය පුද්ගලයා මිදිගම ප්‍රදේශයේ පදිංචිකරුවෙක්. වයස අවුරුදු 19 ක අයෙකු තුවාල ලබා ඇති අතර ඔහු කරාපිටිය රෝහලේ ප්‍රතිකාර ලබනවා.
වත්තල හැදල ප්‍රදේශයේ වයස අවුරුදු 41 ක පුද්ගලයෙකුට පිහියකින් අන ඝාතනය කර තිබෙනවා. මියගිය පුද්ගලයා පෞද්ගලික ආයතනයක ගබඩා සහායකවරයෙකු වනවා. ඔහු නිවසේ සිට රාජකාරි ස්ථානයට යතුරුපැදියෙන් ගමන් කරමින් සිටියදීයි මෙම ඝාතනය සිදුව තිබෙන්නේ.
The post ප්‍රදේශ කිහිපයක සිදුවූ වෙඩි තැබීම්වලින් පුද්ගලයින් කිහිප දෙනෙකු ජීවිතක්ෂයට appeared first on ITN News.
Post a Comment