Sep
30
හෙරොයින් කිලෝග්‍රෑම් දෙකයි ග්‍රෑම් 65 ක් සමග සැකකරුවෙකු අවිස්සාවේල්ල වත්තෙකඩේ ප්‍රදේශයේදී අත්අඩංගුවට ගෙන තිබෙනවා.
අවිස්සාවේල්ල කොට්ඨාස බුද්ධි අංශයේ නිලධාරීන්ට ලැබුණු තොරතුරකට අනුව කළ වැටලීමකදීයි සැකකරු අත්අඩංගුවට ගෙන තිබෙන්නේ. හෙරොයින් සහිත පාර්සලය රැගෙන සැකකරු යතුරුපැදියකින් ගමන් කරමින් සිටියදී පොලිසිය ඔහු අත්අඩංගුවට ගත්තා.
සැකකරුගෙන් කළ ප්‍රශ්න කිරීම්වලදී ඔහුගේ ගෙවත්තේ වළ දමා තිබූ තවත් හෙරොයින් පාර්සලයක් සොයා ගැනුණා. මත්ද්‍රව්‍ය ජාවාරමෙන් උපයා ගත් බවට සැක කෙරෙන රුපියල් ලක්ෂ 24කට ආසන්න මුදලක් හා විද්‍යුත් තරාදියක්ද සොයා ගැනීමට පොලිසියට හැකි වුණා. වයස අවුරුදු 36 ක් වන මෙම සැකකරු අවිස්සාවේල්ල ප්‍රදේශයේ පදිංචිකරුවෙක්.
The post හෙරොයින් කිලෝග්‍රෑම් දෙකයි ග්‍රෑම් 65 ක් සමඟ සැකකරුවෙකු අත්අඩංගුවට appeared first on ITN News.
Post a Comment