කොළඹ නෙළුම් කුලුන මහජනතාව සඳහා නැරඹීමේ වේලාවන් හෙට (20) සිට සංශෝධනය කර ඇති බව කොළඹ නෙළුම් කුලුන කළමනාකරණ සමාගම නිවේදනය කරයි.
එම සමාගමේ ප්‍රධානී මේජර් ජෙනරාල් (විශ්‍රාමික) ප්‍රසාද් සමරසිංහ මහතා සඳහන් කළේ, හෙට සිට සතියේ දිනවල දහවල් 12.00 සිට රාත්‍රී 10.00 දක්වා නෙළුම් කුලුන මහජනතාව සඳහා විවෘතව තබන බවයි.
සති අන්තයේ පෙරවරු 10.00 සිට රාත්‍රී 11.00 දක්වා නෙළුම් කුලුන මහජනතාවට විවෘතව තබන බවද ඔහු වැඩිදුරටත් පැවසුවා.
කොළඹ නෙළුම් කුලුනේ කොටස් කිහිපයක් මහජනතාව සඳහා විවෘත කෙරුණේ සැප්තැම්බර් 15 වන දිනයි.
කොළඹ නෙළුම් කුලුන විවෘත කර පළමු දින තුන ඇතුළත රුපියල් මිලියන 7.5ක ආදායමක් උපයා තිබෙනවා.
The post නෙළුම් කුලුන මහජනතාව සඳහා විවෘතව පවතින වේලාවන් වෙනස් වෙයි appeared first on ITN News.
Post a Comment