බ්‍රිතාන්‍යයේ සැප්තැම්බර් මාසයේ උද්දමනය 10.1% දක්වා ඉහළ ගොස් තිබෙනවා.
අගෝස්තු මාසයේදී බ්‍රිතානයේ උද්දමනය සටහන් වූයේ 9.9% ක් ලෙසයි.
වසර 40 කට පසු එරට උද්දමනය වේගයෙන්ම ඉහළ යන අවස්ථාව මෙය ලෙස ද සැලකෙනවා.
ආහාර මිල හා ජීවන වියදම සීඝ්‍රයෙන් ඉහළ යාම ඊට හේතු වී ඇති බවයි ආර්ථික විශ්ලේෂකයන් පෙන්වා දෙන්නේ.
ආහාර හා පාන වර්ගයන් හි මිල සියයට දාහතරයි දශම හයකින් ඉහළ ගොස් ඇති අතර අගෝස්තු මාසයේදී එය සටහන් වූයේ 13.1%ක් ලෙසයි.
ජීවන වියදම ඉහළ යාමට අග්‍රාමාත්‍ය ලිස් ට්‍රස්ගේ ආර්ථික ප්‍රතිපත්ති හේතු වී ඇති බවටයි විපක්ෂය චෝදනා කරන්නේ.
කෙසේ වුවද ඇය හඳුන්වාදුන් බදු කප්පාදුව ඇතුලු තීරණ රැසක් ආපසු හැරවීමට කටයුතු කළා.
මීට පෙර බ්‍රිතාන්‍යයේ උද්දමනයේ ඉහළම අගය වාර්තා වී ඇත්තේ 1982 වසරේ පෙබරවාරි මාසයේදීයී.
The post බ්‍රිතාන්‍යයේ පසුගිය මාසයේ දී උද්දමනය 10.1% දක්වා ඉහළට appeared first on ITN News.
Post a Comment