හිටපු ජානාධිපති ගෝඨාභය රාජපක්ෂ මහතාට යාපනය අධිකරණය හමුවේ පෙනී සිටින ලෙස යළි නොතීසි නිකුත් කරන්නැයි ශ්‍රේෂ්ඨාධිකරණය පෙත්සම්කාර පාර්ශ්වයේ නිතිඥවරුන්ට දැනුම් දුන්නා.
ඒ ලලිත් වීරරාජ් හා කුගන් මුරුගානන්දන් යන දෙදෙනා පැහැර ගෙන ගිය බවට වන නඩු විභාගයට අදාළවයි.
මෙම නඩු විභාගයේ දී සාක්ෂි සදහා ගෝඨාභය රාජපක්ෂ මහතා කැඳවිය නොහැකි බවට අභියාචනාධිකරණය තීන්දුවක් දී තිබුණා.
ඒ ජිවිත තර්ජන හේතුවෙන් යාපනය මහේස්ත්‍රාත් අධිකරණයට ගොස් සාක්ෂි දිය නොහැකි බවට කළ මෝසමක් සලකා බැලිමෙන් අනතුරුවයි.
පසුව ජනාධිපති ධුරය දැරු හෙයින් සාක්ෂියට කැඳවීමට නොහැකි බවට ද තීන්දු කර තිබුණා.
එම තීන්දුව බල රහිත කරන ලෙස ඉල්ලා ගොනු කෙරෙනු පෙත්සමේ වග උත්තර කරු ලෙස නම් කර සිටින ගෝඨාභය රාජපක්ෂ මහතාට යළි නොතීසි නිකුත් කරන ලෙසයි ශ්‍රේෂ්ඨාධිකරණය දැනුම් දුන්නේ.
පෙත්සම් පාර්ශවයේ නිතිඥවරයා කියා සිටියේ මේ වන විටත් අදාළ නොතීසි යවා ඇති බවයි.
ගෝඨාභය රාජපක්ෂ මහතා වෙනුවෙන් නිතිඥවරයෙකු පෙනී නොසිටි අතර, ඒ අනුව යළි නොතිසි නිකුත් කරන ලෙස දැනුම් දුන් ශ්‍රේෂ්ඨාධිකරණය පෙත්සම දෙසැම්බර් 15වන දා කැඳවන ලෙස නියෝග කළා.
The post ගෝඨාභයට යළි නොතීසි නිකුත් කරන්නැයි ශ්‍රේෂ්ඨාධිකරණයෙන් දැනුම්දීමක් appeared first on ITN News.
Post a Comment