යුක්රේනයේ යුද මෙහෙයුම්වල නිරත රුසියා භට ඛණ්ඩවලට අවශ්‍ය අවිආයුධ නිෂ්පාදනය වේගවත් කරන ලෙස රුසියා ජනාධිපති ව්ලැඩිමීර් පුටින් නියෝග කර තිබෙනවා.
පසුගිය සති කිහිපය තුළ යුක්රේනයේදී රුසියා භට ඛණ්ඩ පසු බැසීමට අවි ආයුධ හිඟය ප්‍රධාන හේතුවක් බවයි රුසියා ජනාධිපතිවරයා පෙන්වා දෙන්නේ.
එබැවින් මෙහෙයුම් කටයුතුවලට අවශ්‍ය අවිආයුධ නිෂ්පාදනය වේගවත් කර එම ආයුධ තොගය යුක්රේනයට පිටත් කර හරින ලෙස පුටීන් නියෝග කර තිබෙනවා.
යුද පෙරමුණේදී ජයග්‍රහණ අත්කර ගැනීමට නම් එය අත්‍යවශ්‍ය කරුණක් බවයි ඔහු ප්‍රකාශ කර ඇත්තේ.
පසුගිය පෙබරවාරි මාසයේදී රුසියාව යුක්රේනයේ යුද මෙහෙයුම් ආරම්භ කළ අතර මේ දක්වා ඒ සඳහා ඇමෙරිකා ඩොලර් බිලියන ගණනක් වැය කිරීමට රුසියාවට සිදු වූවා.
කෙසේ වුවද යුක්රේනය රුසියාවට විරුද්ධව භාවිත කරනුයේ විදෙස් රටවලින් ආධාර ලෙස ලැබුණු අවි ආයුධ තොගයි.
The post අවිආයුධ නිෂ්පාදනය වේගවත් කරන ලෙස පුටින්ගෙන් නියෝගයක් appeared first on ITN News.
Post a Comment