සෞඛ්‍ය පරිසාධන මට්ටමේ නොසිටින පොලිස් නිලධාරීන්ගේ සේවය අවසන් කිරීම පිළිබඳ මහජන ආරක්ෂණ කටයුතු පිළිබඳ අමාත්‍යාංශීය උපදේශක කාරක සභාවේ අවධානය යොමුව තිබෙනවා.
මහජන ආරක්ෂක කටයුතු පිළිබඳ අමාත්‍යාංශීය උපදේශක කාරක සභාවේ පළමු රැස්වීම අමාත්‍ය ටිරාන් අලස් මහතාගේ ප්‍රදානත්වයෙන් පැවැත්වුණා.
යහපත් සෞඛ්‍ය මට්ටමේ නොසිටින බොහෝ පිරිසක් පොලිස් සේවයේ සිටින බවත් ඔවුන් වෛද්‍ය සහතික පෙන්වා අපහසු රාජකාරීවලට නොයෙදෙන බවත් කමිටුවේ මන්ත්‍රීවරුන් පෙන්වා දුන්නා.
මේ හේතුවෙන් රාජකාරිය නිවැරදිව ඉටු කරන නිලධාරීන් අපහසුතාවට පත්වන බවයි ඔවුන් පෙන්වා දුනනේ.
පොලිස්පතිවරයා කියා සිටියේ සෞඛ්‍ය පරිසාධන මට්ටමේ නොසිටින පොලිස් නිලධාරීන් හරදහසක් පමණ පොලිස් සේවයේ යෙදී සිටින බවයි.
මෙම වසරේ පොලිස් නිලධාරීන් වැඩි පිරිසක් විශ්‍රාම යන බවත් පොලිස් නිලධාරීන් දහසයදහසක පමණ පුරප්පාඩු ප්‍රමාණයක් පවතින බවයි පොලිස් පතිවරයා කියා සිටියේ.
The post සෞඛ්‍ය පරිසාධන මට්ටමේ නොසිටින පොලිස් නිලධාරීන්ගේ සේවය අවසන් කිරීමට අවධානය appeared first on ITN News.
Post a Comment