ත්‍රි රෝද රථ සදහා ලබාදෙන ඉන්ධන කෝටාව දෙගුණ කිරීමට ජනාධිපතිවරයා අනුමැතිය ලබාදී තිබෙනවා.
වෘත්තීය මගී ප්‍රවාහන ත්‍රි රෝද රථ සදහා සතියකට ලීටර් 5 ක්ව පැවති ඉන්ධන කෝටාව ලීටර් 10 ක් දක්වා වැඩි කෙරෙනවා. පළමු අදියර ලෙස බස්නාහිර පළාතේ වෘත්තීය ත්‍රි රෝද රථ ලියාපදිංචිය නොවැම්බර් පළමුවනදා සිට ආරම්භ කිරීම සැළසුමයි. මෙම කරුණු හෙළිවූයේ ජාතික ආරක්ෂාව පිළිබද ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මහතා සහ වෘත්තීය ත්‍රි රෝද රථ සංගම් අතර පැවති සාකච්ඡාවේදීයි. නොවැම්බර් 6 වනදා සිට බස්නාහිර පළාත තුළ නව වැඩපිළිවෙළ ක්‍රියාත්මකයි. දිවයිනේ අනෙකුත් පළාත් තුළ මගී ප්‍රවාහන ත්‍රි රෝද රථ ලියාපදිංචිය නොවැම්බර් 6 වනදා සිට 13 වනදා දක්වා සිදුකෙරෙනවා. පසුව එම ප්‍රදේශවල ත්‍රි රෝද රථ වලට ද ඉන්ධන කෝටාව ලබාදීමට නියමිතයි. දැනට ත්‍රි රෝද රථ දසලක්ෂ අසූදහසක් පවතින අතර ඉන් වෘත්තීයමය මගී ප්‍රවාහන ත්‍රි රෝද රථ ලක්ෂ 4 ක් පවතින බව ත්‍රි රෝද රථ සංගම් පවසනවා.
The post ත්‍රිරෝද රථ ඉන්ධන කෝටාව ඉහළට appeared first on ITN News.
Post a Comment