පැයට කිලෝමීටර් 80 ක පමණ ප්‍රබලත්වයෙන් යුතු සීට්‍රෑන්ග් සුළි කුණාටුවෙන් බංග්ලාදේශයට දැඩි බලපෑම් එල්ලවී තිබෙනවා.
අධික වැසි හා සුළං හේතුවෙන් ගංවතුර, නායයාම් හා ගස් කඩාවැටීම් සිදුව ඇති බවයි වාර්තා වන්නේ. පුද්ගලයින් 7 දෙනෙකු ජීවිතක්ෂයට පත්ව ඇති බව බංග්ලාදේශ ආපදා කළමනාකරණ මධ්‍යස්ථානය නිවේදනය කරනවා. ඊයේ සවස 6 ට පමණ සීට්‍රෑන්ග් සුළි කුණාටුව එරටට ඇතුළු වූ අතර පුද්ගලයින් තිස්දහසකට ආසන්න සංඛ්‍යාවක් ආරක්ෂිත ස්ථාන කරා යොමුකර තිබෙනවා. සුළි කුණාටුවෙන් ආපදාවට පත්වන පිරිස් වෙත සහන කටයුතු සැලසීම සදහා රැදවුම් මධ්‍යස්ථාන 576 ක් පිහිටුවා ඇති බවයි ආපදා කළමනාකරණ මධ්‍යස්ථානය පවසන්නේ. ඩකා, නාගල්කොට් ඇතුළු නගර රැසකට මේ වනවිටත් සුළි කුණාටුවෙන් දැඩි බලපෑම් එල්ලවී තිබෙනවා. ගවයින් තුන්දහසක් පමණ ගොවිපල වලින් ඉවත්කර ඇති බවද සදහන්.
The post සීට්‍රෑන්ග් සුළි කුණාටුවෙන් බංග්ලාදේශයට දැඩි බලපෑම් appeared first on ITN News.
Post a Comment