අද අලුයම ඉන්දියාවේ මහාරාෂ්ට ප්‍රාන්තයේ අධිවේගී මාර්ගයක සිදු වූ බස් රථ අනතුරකින් පුද්ගලයන් 25 දෙනෙකු ජීවිතක්ෂයට පත්ව තිබෙනවා.
පූනෙයි බලා ධාවනය වෙමින් තිබූ බස් රථයකුයි මෙලෙස අනතුරට පත්ව තිබෙන්නේ.
බුල්දානා ප්‍රදේශයේදී අධිවේගී මාර්ගයේ කණුවක ගැටීමෙන් අනතුර සිදු වුණා.
පසුව බස් රථය මාර්ගයේ පෙරළී ගොස් තිබෙනවා.
අනතුරුව බස් රථය ගිනි ගැනීමට ලක් ව ඇති බවයි වාර්තා වන්නේ.
අලුයම 1-30 ට පමණ මෙම අනතුර සිදුව තිබෙනවා.
එම අවස්ථාවේ බස් රථය තුළ දරුවන්ද ඇතුළුව මගීන් 33 දෙනෙකු පමණ ගමන් කර තිබෙනවා.
බස් රථයේ පිටවීමේ දොරටුව අවහිර වන ආකාරයටයි බස් රථය පෙරළී තිබෙන්නේ.
සිද්ධියෙන් බස් රථයේ රියදුරු දිවි ගලවාගෙන ඇති අතර ටයරයක් පුපුරා යාමෙන් අනතුරුව බසය තම පාලනයෙන් ගිලිහී ගිය බවයි රියදුරු පොලීසියට ප්‍රකාශ කර ඇත්තේ.
The post ඉන්දියාවේ බස් රථ අනතුරකින් පුද්ගලයින් 25 දෙනෙකු ජීවිතක්ෂයට appeared first on ITN News.
Post a Comment