බටහිර ඉන්දියාවේ සිදුවූ බෝට්ටු අනතුරකින් පාසල් ළමුන් 12 දෙනෙකු ඇතුළු 14 දෙනෙකු මිය ගියා.
අධ්‍යයන චාරිකාවක නිරතවු පාසල් ළමුන් පිරිසක් රැගත් බෝට්ටුවකුයි මෙලෙස අනතුරට පත්ව ඇත්තේ.
සිසුන් 12 දෙනෙකු සහ ගුරුවරුන් දෙදෙනෙකු අනතුරින් මියගොස් තිබෙනවා.
අනතුර සිදුවන අවස්ථාවේ බෝට්ටුව තුළ පුද්ගලයින් 31 දෙනෙකු ගමන් කර ඇති බවයි වාර්තා වන්නේ.
පුද්ගලයින් 07 දෙනෙකු දිවි බේරාගෙන ඇති අතර ඔවුන් රෝහල් ගතකර තිබෙනවා.
බෝට්ටුවේ ගමන් කළ පුද්ගලයින් ජීවිතාරක්ෂක කබා පැළඳ නොසිට ඇති අතර මගීන් වැඩිපුර රැගෙන යාම, නඩත්තු කටයුතු දුර්වල තත්ත්වයක පැවතීම හා ආරක්ෂක උපකරණ නොමැතිවීම හේතුවෙන් ඉන්දියාවේහි බෝට්ටු අනතුරු නිරන්තරව සිදුවන බවයි විදෙස් මාධ්‍ය වාර්තා කරන්නේ.
The post ඉන්දියාවේ බෝට්ටු අනතුරකින් 14 දෙනෙකු ජීවිතක්ෂයට appeared first on ITN News.
Post a Comment