සති කිහිපයකට පසු දෙවන වරටත් එක්සත් අරාබි එමිර් රාජ්‍යයට අයහපත් කාලගුණයෙන් දැඩි බලපෑම් එල්ල වී තිබෙනවා.
අධික වර්ෂාපතනය හේතුවෙන් ඩුබායි ජාත්‍යන්තර ගුවන්තොටුපළේ ගුවන් ගමන් රැසක් අත්හිටුවීමට පියවර ගෙන තිබෙනවා. පාසල් හා කාර්යාල ද වසා දමා ඇති බවයි වාර්තා වන්නේ.
රජය හා පෞද්ගලික ආයතනවල මෙන්ම පාසල්වල කාර්යයන් ද මාර්ග ගත ක්‍රමය ඔස්සේ පවත්වාගෙන යන ලෙස රජය උපදෙස් ලබාදී තිබෙනවා.
වසරේ මෙම කාලයේ දී මේතරම් අධික වර්ෂාපතනයක් බලාපොරොත්තු විය නොහැකි බවයි එරට කාලගුණ අංශ නිවේදනය කරන්නේ. මීට සති කිහිපයකට පෙර දී එරටට බලපැ අධික වර්ෂාවත් සමග හටගත් ගංවතුරෙන් පුද්ගලයින් 4 දෙනෙකු ජිවිතක්ෂයට පත්වු අතර දේපළ හානි රැසක් සිදුවුණා.
The post අයහපත් කාලගුණයෙන් දෙවන වරටත් අරාබියට බලපෑම් appeared first on ITN News.
Post a Comment